филиал вгтрк государственная телерадиовещательная компания “Алания”

Цæгат Иристони хецауада, æхсæнадон организацитæ, цæргутæ ци устур æвæрн хæссунцæ сæрмагонд æфсæддон операций архайгутæн банхус кæнуни гъуддагмæ, уобæл арæх фæддзорæн нæ равдисти. Æрвист бабæй æрцудæй радон.

Банхус син кæнæн Нæуæг анзи бæрæгбæнттæ зæрдигъæлдзæгдæрæй сбæрæг кæнуни гъуддаги. Газет «Дигори» коллектив æнгъæлмæ кæсуй сæ рафинсгути фарстхуæстмæ. Рафинсуни рæстæг фæидарддæр кодтонцæ 13 январьмæ.

Федералон программити фæрци Ирæфи райони арæзт æрцудæй дзæвгарæ мадзæлттæ, сæ еуебæл куститæ кæронмæ æрхъæрдтæнцæ. Пайда си кæнунцæ цæргутæ.

Цорити Марклени ном фегъосгæй, алке дæр расагъæс кæнуй æфсæйнаги хæццæ кустбæл. Бабæрæг ин кодтан æ курдадзæ.

Нæуæг гæнæнтæ, гъæуама, зæран хæссæг ма уонцæ, фал разæнгард кæнæг. Нуртæккæ алли дзиллон хабархæссæг фæрæзæн дæр ес электрон хузæ, фал гæгъæдини ахедундзинадæ фæлтæртæ гъæуама лæдæронцæ. Уобæл косæг æй, литературон аййевадон журнал «Ирæф»-и коллектив.

Еу равдист иннемæй цæмæдессаг дæр. Сфæлдистадæмæ æмхец адæймаг, Къорнати Владимир, æ кустити радон равдистæй фæррайдзаст дæр кодта Æрæдони райони цæргути зæрдитæ.

Фулдæр гæнæнтæ, райдзаст дæр уавæртæ. Хъарман – Синдзигъæуи цæргутæ цийнæ кæнунцæ сæ равналæнтæбæл. Фæззиндтæй си нæуæг социалон ахедундзинадæ кæмæн ес, уæхæн объекттæ. Сæ куст бæл рафæлгæсуни нисанеуæги хæццæ рабалц кодтан Хъарман –Синдзигъæумæ

Кади аккаг æ куст, адæми аккаг æ рæдау уод. Сахъат адæймæгути хæццæ кустæн æ царди бæнттæ ка лæвар кæнуй, сæ цард син фенцондæр кæнунбæл ка архайуй уоци Бетрозти Ритæ æй нæ абони равдисти иуазæг.

Мадтæлон æвзаг федæнти фæлтæртæмæ фæхъхъæртун кæнун, абони бони ин æ ахедундзинадæ ма фæниллæгдæр кæнуни нисанеуæги хæццæ, Дзæуæгигъæуи мæзгити арæзт æрцудæй ирон æма дигорон æвзæгтæбæл æмдзæвгитæ кæсуни фестиваль.

Иристони иуазæг алкæддæр кадгин адтæй æма æй. Фал ма сæ фиддæлтæ ци рауæн цардæнцæ уæхæнттæ ку бабæрæг кæнуй республикæ, удта уæлдай æхцæуæн фæууй. Базонгæ уæ кæндзинан, еу уæхæн Турки цæрæг адæмаæгути хæццæ.

Сайраг темитæ: Сувæллони æнæнездзинадæмæ цæстдаргутæн, абони арфæ кæндзæнæнцæ сæ профессионалон дæсниади фæдбæл. Сæ еуей хъиæмæттæ имисунцæ Ирæфи райони цæргутæ. Кæрæдзей лæдæрунадæ æй æхсæнади лимæндзинадæ итауæг. Дзæуæгигъæуи 65 – аг рæвдауæндони коллектив, уой лæдæргæй, архайуй, цæмæй син арæх дæр сæ размæ хæссонцæ аци хæзнай хæццæ баст мадзæлттæ.    

Лескени рацудӕй Хидирти Ехьяй ӕмдзӕвгитӕ хуӕздӕр бакӕсуни конкурс. Аци хатт си архайдтонцӕ ӕгас райони скъолати минӕвӕрттӕ.

Хӕзнидони байгом кодтонцӕ фӕзӕ «Фиддӕлти фарнӕ «. Фӕззиндтӕй гъӕуи рацӕугутӕ ӕма ӕ цӕргути фӕрци.

Ӕ ном, æ кадæ федæни фæлтæртæн дæнцæгæн æрхæссуйнаг! Царди скъола, зонæдти хонх – уотæ зæгъæн ес Мæхæмæтти Ахурбегæй. Дур-Дури гъæу кæд Иристони устурдæртæй нæ, уæддæр æ цæргути фадуæттæ фæурухдæр кæнунбæл куст цæуй. Ци хузи, уой нин раргом кæндзæнæй гъæуи сæргълæууæг Хъодзасти Николай. Ема хатт бабæй Дигорай арæзт æрцудæй номерæн мадзал, уой хæццæ ба ма сувæллæнтти зондахаст федардæр кæнунæн пайдайаг! Инсæй сувæллонемæй фулдæр ба архайдта Гусати Геуæргий номбæл шахмæттæй турнири.

Еу хаттæй иннемæ раргом унцæ нæуæг нæмттæ. Исбæрæг æнцæ Хъамбердиати Мистоти номбæл премий лауреттæ. Сæ еу, Цæрикъати Оксана ис уодзæй нæ студий иуазæг.

Фæлварæни хузи рохс фæууидта нæуæг киунугæ. «Дигорон поэзий анталоги»-мæ хаст æрцудæй берæ æнзти газетти æма журналти ниффинст æрмæгутæ.

Сурх -Дигори сувæллæнтти рæвдауæндони зæрдиагæй куст цæуй æгъдæуттæ, æвзаг æма культурæ сувæллæнти уодтæмæ хæстæг кæнунбæл. Базудтан тæгæлатæ ци æнцæ, уой дæр.

Хӕзнидони скъолай ахурдзаутӕ идарддӕр сӕ ахур хӕссунцӕ Толдзгуни. Сӕхе гъӕуи скъолай капиталон цалцӕги ӕмгъудмӕ конд не рцудӕй.

Чиколай игон конд ӕрцудӕй физкультурон – дзӕбӕхгӕнӕн комплекс. Ӕ байгоми кадгин мадзал и адтӕй не сфӕлдыстадон къуар.

Нуриккон гæнæнтæй пайда кæнун ис уодзæнæй Лескени ци моделон библиотекæ байгом æй, уомæй пайда кæнгутæн. Арæзт æрцудæй æ байгон кæнуни кадгин мадзал.

Æргъудидзинадæй æхцæуæндæр адæмагæн неци ес, уæлдай дæр ба ма æй зæрдæй ке кæни, уой ку лæдæра, уæд. Уæхæн хуæрзауодæн мадзал арæзт æрцудæй Хæзнидони.

Ӕноси сæрти ракæсгйæ ин бантæстæй, æ раздæр хузæ раздахун. Дигорон аивадон литератури бундорæвæрг Гурдзибети Блашкай хæдзарæ – музеййæн лæвæрд æрцудæй дуккаг цард. Хуарзауодæг – Боллоти Таймораз, имæ раздахта е ргом.

Еу анзæй иннемæ, æ архайгути географи кæнуй урухдæр, æ медес ба фулдæр. Дзæуæгигъæуи рацудæй «Сабурдзинади æма æнсувæради эстафетæ». Спартакиадæ арæзт æрцудæй Цæгат Иристони пусулмæнтти управлений хъауритæй.

Рӕхги Дигори райони фӕззиндзӕнӕй нӕуӕг кустуат. Кӕсалги куст кӕнӕн хӕдзаради 100 адӕймаги, сӕхецӕн, иссердзӕнӕнцӕ кусти бунӕттӕ.

Хӕзнидони гъӕуӕй рацӕугутӕ, Паддзахадон ӕнхусмӕ нӕ кӕсгӕй, архайунцӕ сӕ гъӕуи райдзаст цардмӕ ӕвӕрӕн хӕссунбӕл.

Тӕрдзинади имисуйнӕгтӕ ба фӕлтӕртӕмӕ лӕвӕрд цӕунцӕ. Къесати Астанӕн ӕвӕрд ӕрцудӕй номерӕн дор.

Лескени цӕрӕг Цъеути Валентинӕ деси ӕфтауй ӕ саразт куститӕй. Тифтикъи насӕй кӕнуй алли хузи дзаумӕуттӕ.