Зын эпидемиологон уавæры рæстæг сиддонтæн скодтой медицинон æркаст
100 æрыгон æфсæддоны баххæст кодтой 58-æм æфсады мысанæхсæн иугонды хайæдтæ. Зын эпидемиологон уавæры рæстæг сиддонтæн скодтой медицинон æркаст. Лæппутæ цæрынц хицæн казармæты. Алы 2 сахаты сын байуарынц маскæтæ. Мæйы дæргъы сиддонтæ æфтаудзысты се фсæддон цæттæдзинадмæ, ацæудзысты сæрмагонд курс. Уый фæстæ та æрвыст æрцæудзысты æфсæддон хайæдттæм. Уым ахуыр кæндзысты æфсæддон цæттæдзинады бындуртæ: рæнхъытæй раст цæуын, техникæйæ æмæ хæцæнгарзы хуызтæй пайда кæнын, стæй, кæй зæгъын æй хъæуы, базондзысты æфсæддон уставы бындуртæ. Ацы æмбырдты фæстæ уыдзæн ардбахæрды кадджын мадзал. Ацы аз æфсадмæ сидыны фæззыгон кампани æххæст кæнгæйæ, Цæгат Ирыстонæй Уæрæсейы гæрзифтонг тыхты рæнхъыты æрлæудзæн 700 лæппуйæ фылдæр.
