филиал вгтрк государственная телерадиовещательная компания “Алания”

22:03 четверг, 28 марта 2024
29 января 2020, 12:32
2022-æм азы кæронмæ республикæйы 18 хъæуккаг скъолатæн сцалцæг кæндзысты се спортивон залтæ

Дзуапп дæтдзысты нырыккон санитарон домæнтæн

2022-æм азы кæронмæ республикæйы 18 хъæуккаг скъолатæн сцалцæг кæндзысты се спортивон залтæ. Дзуапп дæтдзысты нырыккон санитарон домæнтæн. Уыимæ ма сæ сифтонг кæндзысты сæрмагонд инвентарæй. Не сфæлдыстадон къорд федта Архонкæйы æмæ Бруты спортивон залтæ. Моргуаты Ладæ радзурдзæн бæлвырддæр.

3-æм къласонты ерыстæ. 4 командæйы ерыс кæнынц, чи тагъддæр азгъордзæн. Ромæйæн физкультурæйы урок у йæ уарзондæр урочытæй иу. Дыууæ дугъы хатдзæгтæм гæсгæ йæ командæ æрæмбырд кодта 6 очкойы. Уый у сывæллæтты æнтыстдзинады рекорд. фæлæ уыйхыгъд ис æндæр, æнæраппалинаг хъуыддаг дæр. Архонкæйы скъолайы спортивон зал 50 азæй цалцæггонд нæ цыд. Æрвылаз æй ахуыргæнджытæ сæхæдæг бацæттæ кæнынц, фæлæ рæстæгмæйы чъырæй цагъд æмæ ахорæнтæ фарста нæ лыг кæнынц.

Абон скъолайы ис 22 къласы, ахуыр дзы кæны 500 лæппуйы æмæ чызджы. Се ппæт дæр разæнгардæй тындзынц спортивон залмæ. Физкультурæйы урочытæй фæстæмæ ма дзы аразынц фæсурокты мадзæлттæ. Кусы дзы цалдæр секцийы. 2013-æм азы скъола райста грант æнæмæнг хъæугæ инвентарь самал кæнынмæ. Фæлæ уый дæр фаг нæу.

Дзаумæттæ ивæн уат, уазал хъармгæнæнтæ, хинайæнты хус кърæнтытæй ацы аз скъола фæцух уыдзæн. Цы 6 спортивон залы сцалцæг кæндзысты, уыдонæй иу у Æрхонкæйы скъолайы зал дæр.  Программæ «Алы сывæллоны сгуыхтдзинад» æххæстгонд цæуы национ проект «Ахуырад»-мæ гæсгæ. Йæ нысан у хъæуы цæрæг сывæллæттæн саразын спортивон  мадзæлттæ. Æдæппæтæй 2020-æм азмæ бахардз кæндзысты 20 милуаны æмæ 500 мин сомы. Нæ республикæйы ахæм куыст фыццаг аз нæ кæнынц.

Бруты скъолайы спортивон зал та сцалцæг кодтой фарон. Сентябры сывæллæттæ æрбацыдысты ног цалцæггонд бæстыхаймæ. Физкультурæйы урочытæн самал кодтой ног инвентарь дæр. Дзуамæттæ ивæн уаты сæвæрдтой хинайæнтæ дæр. Ам æдæппæтæй ахуыр кæны 137 сывæллоны.

2022-æм азы республикæйы сцалцæг кæндзысты  хъæуты 18 спортивон залы. Ныхас канд бындурон рацарæзтыл нæ цæуы, фæлæ ма сæ ифтонгыл дæр.

vgtrk_alania
vgtrk_alania
vgtrk_alania
vgtrk_alania