Бæласы фарсмæ нырæй фæстæмæ официалон фыст 411 номыр. Уыимæ хаст æрцыд Уæрæсейы зæронддæр бæлæсты Национ реестрмæ.
Дыууæ метры йæ диаметр, 6 метры æмæ рдæг та – йæ алыварс баргæйæ. 247 азы кæуыл цæуы, ахæм тулдз ис Æрыдоны. Бæласы фарсмæ нырæй фæстæмæ официалон фыст 411 номыр. Уыимæ хаст æрцыд Уæрæсейы зæронддæр бæлæсты Национ реестрмæ. Паддзахады рдыгæй цæуынц хъахъхъæд. Бирæазон зайæгой иртæстой сæрмагонд кусæнгæрзтæй. Бакуыста йыл экспертизæты Центр «Здоровый лес». Сбæрæг кодтой, канд цал азы йыл цæуы, уый нæ, фæлæ ма йын УЗИйы фæрцы бакастысты йæ хуылфмæ дæр. Афтæмæй Æрыдоны тулдзы уавæр банымадтой хорзыл. Сертификатæй дарддæр ма Æрыдоны сæргълæууæгæн радтой цæугæ Кубок. Уый фæстæ лæвæрд æрцæудзæе Уæрæсейы иннæ регионæн. Уæвгæ бынæттон цæрджытæ рагон тулдзмæ хорз зилынц. Кæддæр ыл уыд Георгий Уæлахизхæссæджы дзуарыныв. Адæм æм суанг хи дзæбæх кæнынмæ дæр цæуынц. Тулдзбæлæстæн сæ бон у бирæ азты лæууын, зæгъынц специалисттæ. Раст æм куы зилай, уæд фæзайынц мин азы онг. Экологон акцийы сæйраг нысан у – нæ бæстæйы территорийы ахæм зайæгойтæ ссарын, культурон, историон, æрдзон æмæ ма суанг миддунейы хæзнайыл нымад чи у. Æмæ сæ фидæны фæлтæртæм хæццæ кæнын. Уымæн та æххуыс сты нырыккон технологитæ.
