Йæ бындурон цалцæджы тыххæй уынаффæ хаст æрцыд 2012-æм азы
Абон республикæйы дзыллон информацийы фæрæзты минæвæртты базонгæ кодтой футболон клуб «Дзæуджыхъæуы Алани»-йы ахуырадон æмæ тренировкæтæгæнæн базæйы проектимæ. Йæ бындурон цалцæджы тыххæй уынаффæ хаст æрцыд 2012-æм азы. Фæлæ фæзындысты фæрæзтимæ зындзинæдтæ. Фарон клубы ног разамынд снысан кодтой комплекс сног кæныны мгъуыд. Абон та клубы разамындæн уыд пресс-конференци. Уым дизайны студи «11.19»-ы специалисттæ равдыстой, базæйæн цы хуыз уыдзæни, уый. Проект арæзт уыдзæн тæккæ нырыккондæр хуызы. Рацарæзты сæйраг нысан у – цы арæзтæдтæ дзы ис, уыдон бахъахъхъæнын. Уымæн æмæ уыдонимæ æнгом баст у клубы истори. Базилдзысты йе ддаг бакастмæ дæр. Базæйы архитектор у Сергей Жилев. Йæ фæзуат 1900 квадратон метры кæмæн у, уыцы дыууæуæладзыгон бæстыхайы цалцæггæнæн куыстытæ хъуамæ райдайой ацы аз майы.
