Кад дзы кодтой, 2006-æм азы гуырд футболисттæн. Уыдон уæлахиздзаутæ систы республикон ерысты футболæй
Абон стадион «Спартачы» уыд æхсызгон æмбырд.
Кад дзы кодтой, 2006-æм азы гуырд футболисттæн. Уыдон уæлахиздзаутæ систы республикон ерысты футболæй. Турнир арæзт æрцыд фыццаг хатт. Архайдтой дзы 18 командæйы Дзæуджыхъæуæй æмæ республикæйы æппæт районтæй. Хъæзтыты хатдзæгтæм гæсгæ уæлахиздзау сси командæ «Спартак-Алания» Дзæуджыхъæуæй. Ерысты хуыздæртæн радтой кубоктæ æмæ майдантæ. Уæлдай ирдæй чи равдыста йæхи, уыдон та хорзæхгонд æрцыдысты хицæн лæвæрттæй. Турнир саразыныл бакуыстой Цæгат Ирыстоны футболы Федераци æмæ нæ республикæйы ахуырады æмæ наукæйы министрад. Куыд загътой, афтæмæй ерысты сæйраг нысан у – курдитаджын фæсивæды раргом кæнын, æмæ сын спортивон фидæнмæ алывæрсыг æххуыс бакæнын.