Специалисттæ ма уæлдай хатт зæрдыл лæууын кæнынц, фæсарæнтæй чи æрбаздæхти, уыдон дыууæ къуырийы хъуамæ сæ хæдзарæй æддæмæ ма цæуой
Абоны онг Цæгат Ирыстоны коронавирусы инфекци раиртæстой 15 адæймагмæ. Фæлхасадмæ цæстдарды управленийы бæрæггæнæнтæм гæсгæ уыцы 15 адæймагæй иу æрæджы амарди, 2 -йæ дзы сты тагъд æххуысы клиникон рынчындоны, сæ уавæр у рæстæмбис уæззау. 12 рынчынмæ та дохтыртæ сæ цæст дарынц сæ хæдзæртты. Фæстаг рæстæг æндæр горæттæй чи æрбаздæхти, æмæ се нæниздзинадмæ уæлдай цæстдард кæмæн хъæуы, ахæм адæмы нымæц у 669. Специалисттæ ма уæлдай хатт зæрдыл лæууын кæнынц, фæсарæнтæй чи æрбаздæхти, уыдон дыууæ къуырийы хъуамæ сæ хæдзарæй æддæмæ ма цæуой. Кæд æмæ исчи йæхимæ низы исты миниуджытæ раиртаса, уæд та æвæстиатæй дзурæд дохтырмæ.
