филиал вгтрк государственная телерадиовещательная компания “Алания”

Æдасдзинады федералон службæ æрцахста, Дзæуджыхъæуы террористон акт чи цæттæ кодта, уыцы нæлгоймаджы. Ведомствойы хъусынгæнинагмæ гæсгæ аххосджын фæнд кодта административон бæстыхайы рæмудзæн æрмæг бавæрын. Уый фæстæ та йæ зæрды уыдис Хæстæг Скæсæнмæ ацæуын,  террористон пысылмон къорды  архайынмæ. Фыдгæнæджы куы басгæрстой, уæд æм ссардтой хиконд рæмудзæн æмæ электрон фыстæджытæ Исламы паддзахады уæнгтимæ. Нæлгоймагыл сарæзтой уголовон хъуыддаг.