Къамис аргъ скодта куыстыты æдасдзинадæн æмæ хæрзхъæддзинадæн
Культурæ, спорт, ахуырад æмæ æнæниздзинадхъахъхъæнынад. Æппæтуæрæсеон адæмон фронты æмæ Æхсæнадон палатæйы эксперттæ сбæрæг кодтой, социалон нысаниуæг кæмæн ис, уыцы объекттæ Рахизфарсы районы.
Къамис аргъ скодта куыстыты æдасдзинадæн æмæ хæрзхъæддзинадæн. Районы рынчындонæн йæ рахизырдыгæй бæстыхай эксплуатацийы радтой 2 азы размæ. Уым ис операцитæгæн æмæ терапевтон хайæдтæ. Бæстон æркастысты материалон-техникон бындурмæ. Стыр аиппытæ рынчындоны нæ раиртæстой. Фæлæ иу фиппаинаг – корпусы нæй æмбæлгæ уавæртæ, йе нæниздзинад цудыд кæмæн, æмæ йæхи бон цæуын кæмæн нæу, ахæм адæмæн. Зæрдæ бавæрдтой, уавæр аивынæй. Æвзæрдæр уавæры ис Беслæны ног рæвдауæндон. Æрдæгконд куыстытæ рагацау рабæрæг сты. Сывæллæтты ирхæфсæн фæз домæнтæн дзуапп нæ дæтты. Уый нæ хынцгæйæ ифтонг у, куыд æмбæлы, афтæ, стæй хæринаггæнæн блок дæр кусы иттæг хорз. Къамис алцыдæр бахынцта, æмæ æппæт аиппытæ арвитдзæн арæзтадон компанимæ. Ахæм бæрæггæнæн куыст уал арæзт æрцыд Æрæфы æмæ Алагиры районты, фæлæ куыст цæудзæн æппæт районты дæр.
