филиал вгтрк государственная телерадиовещательная компания “Алания”

02:17 четверг, 29 октября 2020
31 августа 2020, 12:53
29
Æппæтуæрæсеон адæмон фронт бабæрæг кодта фельдшерон-акушерон пункттæ æмæ амбулаторитæ

Цавæр уавæрты кæндзысты медицинон æххуыс республикæйы районты, уый феныны тыххæй кусæг балцы рацыдысты Æппæтуæрæсеон адæмон фронты цæгатирыстойнаг регионалон хайады минæвæрттæ. Æхсæнадон кусджытæ бабæрæг кодтой, æрæджы кæй сарæзтой, уыцы фельдшерон-акушерон пункттæ æмæ амбулаторитæ.

Æппæтуæрæсеон адæмон фронты цæгатирыстойнаг регионалон штабы уæнгтæ радон бæрæггæнæн куыст скодтой республикæйы районты. Райдыдтой Æрыдоны районæй. Красногоры æрæджы байгом амбулатори. Ахæм медицинон пункттæ фæзындысты республикæйы æппæт районты дæр. Æхсæнадон эксперттæ сæйрагдæр кастысты  сæ ифтонгдзинадмæ.

Мидæггаг куыстытæм бавнæлдтой Советскийы хъæуы фельдшерон-акушерон пункты. Æрæфы районы Центрон рынчындоны сæйраг дохтыр Бесолты Тамерлан куыд радзырдта, афтæмæй, йæ арæзтад фæуыдзæн сентябры кæрон. Æрæфы район ис дыккаг бынаты, нæ республикæйы ног медицинон объектты нымæцмæ гæсгæ. Æдæппæтæй дзы ацы аз байгом кæндзысты 8 амбулаторийы æмæ фельдшерон-акушерон пункты. Уыимæ хæххон дæрддзæф хъæуты дæр. Ахсджиаг у æппæт объекттæ специалисттæй сифтонг кæнын.

Æппæтуæрæсеон адæмон фронты эксперттæ куыд загътой, афтæмæй ныртæккæ хъæуы инфраструктурæйыл бакусын æмæ куыстуæтты алыварс территоритæ саив кæнын. 

Красногоры амбулаторийы алыварс æнæмæнг хъæуы быру скæнын. Цæмæй йæм хæдзарон фос ма цæуой, уый тыххæй.

Советскийы фельдшерон пунктмæ та ма хъæуы асфальт скæнын. Ныртæккæ фæндаг аразынц Толдзгуыны фельдшерон-акушерон пункты онг. Уый кусы дыккаг аз, æмæ дзы ныртæккæ цæуынц цалцæггæнæн куыстытæ. Бæстыхай куы рбадти, уæд йæ иуæй-иу къултæ афаз сты. Уымæ гæсгæ аразджытæ гарантион бадзырдмæ гæсгæ кæнынц цалцæггæнæн куыстытæ. Æппæтуæрæсеон адæмон фронты регионалон хайады минæвар Гæлиты Климы ныхæстæм гæсгæ, æппæт аразджытæ активон æмгуыстад кæнынц бынæттон администрацитимæ æмæ районты рынчындæттимæ. Уыимæ проектмæ бахæссынц ивддзинæдтæ, цæмæй куыстыты хæрзхъæддзинад фæхуыздæр уа, уый тыххæй

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: