Президенты раныхасмæ хъуыстой бирæвæрсыг центры æмæ ма суанг æхсæнадон транспорты дæр
Нæ бæстæйы æппæт регионты Æппæтуæрæсеон адæмон фронты активисттæ абон сарæзтой иумæйаг фембæлдтытæ, æмæ æхсæнадон бынæтты кастысты æмæ хъуыстой Владимир Путины ныстуанмæ. Президенты раныхасмæ хъуыстой бирæвæрсыг центры æмæ ма суанг æхсæнадон транспорты дæр. Уый фæстæ скодтой хатдзæгтæ, æмæ се ппæт дæр загътой сæ хъуыдытæ.
УФ-йы Президент Владимир Путины æрвылазон ныстуан ацы хатт иннæтæй хицæн кодта ахадгæ ныхасæй æмæ бæлвырд хъуыддæгтæй. Цæгат Ирыстоны хицауады минæвæрттæ æмæ æхсæнадон организацитæ сæ цæст дардтой комкоммæ эфирмæ. Пезиденты хæстæ царды куыд æххæстгонд цæуынц, ууыл дæр æрнихас кодтой бынаты. Сæйрагдæр домæн – бæлвырд хъуыддæгтæ.
Ногдзинæдтæ хауынц алы къабæзтæм. Фылдæр æргом здæхт дзы цæуы социалон политикæмæ. Рæстæг æмæ хицæн хъуыддæгтæ домынц ахадгæ системæ. Демографийы фарста алыг кæнæн нæй бинонтæн фидар бындур куы нæ уа, уæд.
Бирæсывæллонджын бинонты республикон иугонды разамонæг Дзоблаты Альбинæйы уырны ахæм æххуыс æрыгон бинонты фидæнæн у фидар бындур.
Нæ бæстæйы алы адæймаджы хорз царды уавæртæй аразгæ у Уæрæсейы фидардзинад. Адæм зæрдæ дарынц, куысты мызды уавæр кæй фæхуыздæр уыдзæн, ууыл.
Фылдæр æргом аздахын хъæуы фæсивæды патриотон хъомыладмæ. Республикæйы ветеранты советы Президенты хъуыдытимæ сты разы.
Æппæтуæрæсеон адæмон фронты активисттæ бацархайдтой, цæмæй бæстæйы Президенты ныстуанмæ байхъусыны фадат уа алкæмæндæр, цавæрдæр аххосæгтæм гæсгæ йæ телеуынынадæй чи нæ федта, уыдонæн. Зæгъæм маршрутон такситы дæр радиойæ хъуыстой Владимир Путины раныхасмæ.
