филиал вгтрк государственная телерадиовещательная компания “Алания”

17:07 четверг, 28 марта 2024
15 октября 2020, 11:57
Æппæтуæрæсеон адæмон фронты минæвæрттæ бабæрæг кодтой, программæ «Горæты æнцонвадат архайд»-мæ хаст чи рцыд, уыцы хæдзæртты кæртытæ æмæ æхсæнадон территоритæ

Цалдæр объекты цæрджытæ рахъаст кодтой, куыстытæ кæронмæ конд кæй не рцыдысты, уымæй

Æппæтуæрæсеон адæмон фронты цæгатирыстойнаг хайады минæвæрттæ та бабæрæг кодтой, программæ «Горæты æнцонвадат архайд»-мæ хаст чи рцыд, уыцы хæдзæртты кæртытæ æмæ æхсæнадон территоритæ. Цалдæр объекты цæрджытæ рахъаст кодтой, куыстытæ кæронмæ конд кæй не рцыдысты, уымæй. Ис ма æндæр æркæсинаг фарстатæ дæр. Уыдоны тыххæй бæстондæр радзурдзæн Томайты Батраз.

Фæлладуадзæн зонæ саразыныл Мичурины æмæ Иристонскийы уынджы цæрджытæ рагæй дзырдтой. Æмæ сын ныр фæзынди. Фæлæ цæрджыты хъæстытæ нæ къаддæр кæнынц. Ныр та тыхсынц санитарон уавæрæй. Бырæттæ калынц алы квадратон метры дæр. Мичурины уынджы урнæтæ фæзындзысты хæстæгдæр дыууæ боны, зæгъынц бынæттон администрацийы. Рæхджы сæ сæвæрдзысты Иристонскийы уынджы дæр. Ацы районы ма Æппæтуæрæсеон адæмон фронты минæвæрттæ се ргом аздæхтой иннæ ахсджиаг фарстамæ – нæй дзы рухс. Цæрджытæ ма рахъаст кодтой фæндаджы уавæрæй. Территори куы аив кодтой, уæд æм баластой хуыр.

Бæрæггæнæн куысты иннæ пункт уыд поселок Спутник. Хæдзарттæй иуы бынæттон цæрджытæ радзырдтой, сæ кæрты аивдзинадæй æмтгæй райсгæйæ разы кæй сты, уый. Фæлæ дзы аиппытæ уæддæр ссардтой. Бæлвырддæр та радзырдтой, машинæтæн дзы æрлæууæн бынæттæ кæй нæй, уый.  

Æдæппæтæй ацы аз, национ проект «Горæты æнцонвадат архайд» æххæст кæнгæйæ, нæ республикæйы нысан кæнынц 39 æхсæнадон территорийы æмæ 130 хæдзары кæрты саив кæнын. Æхсæнадон минæвæрттæ бæстон цæст дардзысты куыстыты хæрзхъæддзинадмæ, æмæ, ныридæгæн аивгæнæн куыстытæ кæм ацыдысты, уыцы территориты ахæм мониторингтæ араздзысты дарддæр дæр. 

vgtrk_alania
vgtrk_alania
vgtrk_alania
vgtrk_alania