филиал вгтрк государственная телерадиовещательная компания “Алания”

09:26 пятница, 29 марта 2024
03 апреля 2020, 11:00
Æппæтуæрæсеон хæрзаудæн акцийы волонтертæ сæххæст кодтой 92 аздзыд цæрæджы бæллиц

Фыдыбæстæйы Стыр хæсты архайæг рагæй бæллыди ирон адæмон музыкæйы концертмæ байхъусын

«Уæлахиздзауты бæллицтæ». Æппæтуæрæсеон хæрзаудæн акцийы волонтертæ сæххæст кодтой Дзæуджыхъæуы 92 аздзыд цæрæг Хъулаты Раисæйы бæллиц. Фыдыбæстæйы Стыр хæсты архайæг рагæй бæллыди ирон адæмон музыкæйы концертмæ байхъусын. Фæлæ йын йе нæниздзинады уавæрмæ гæсгæ не нтысти. Уымæ гæсгæ артисттæ расидтысты ахæм хорз хъуыддаг æмæ ацæргæ сылгоймагмæ уазæгуаты æрбацыдысты сæхимæ. Хъулаты Раисæйы зæрдæ бахъалдзæг кæнынмæ батагъд кодтой Цæгат Ирыстоны адæмон артисткæ Хадыхъаты Аллæ, зарæггæнæг Хъуысаты Светланæ, стæй ансамбль «Ритмы горы» доулисттæ. Раисæйн акодтой йæ уарзон зарджытæ æмæ цæгъдтытæ. Бинонты куыд загътой, афтæмæй проекты тыххæй базыдтой дзыллон информацион фæрæзтæй, æвæстиатæй балæвæрдтой курдиат, æмæ афтæмæй æххæстгонд æрцыд хæствæллад хистæры бæллиц.

vgtrk_alania
vgtrk_alania
vgtrk_alania
vgtrk_alania