Кæд æппæт дунейы дæр уæззау рæстаг скодта, уæддæр зæхкусджытæ æмбарынц, быдыртæ бакусын кæй хъæуы, уый. Куыд фæзæгъынц, дæ бæркадджын фæззæг аразгæ у фæллойджын рагуалдзæгæй.
Республикæйы быдырты кæронмæ фæхæццæ кæнынц уалдзыгон куыстытæ. Фæстаг ма баззайыныл архайынц Æрæфы районы зæхкусджытæ дæр. Арфæйаг сты республикæйы хицауады æххуысæй.
Кæд ацы аз иу чысыл афæстиат сты, уæддæр сæ зæрдæ дарынц сæ фæллой бынаты кæй уыдзæн, æмæ раздæры азæй æвзæрдæр кæй нæ рауайдзæн сæ бæркад, ууыл.
Æрæфы районы стырдæр хæдзарæдтæй иу у Æнæххæстбарджын æхсæнад Ираф-Агро. Ацы аз сæ зæххыты 700 гектары радих кодтой нартхор æмæ сойæйæн. Куыстуаты куыд зæгъынц, афтæмæй иннæ аз фылдæр зæххытæ дих кæнынмæ хъавынц мæнæуæн. Уæдæ техникæ æмæ æндæр кусæн æрмæгæй та сты æххæст.
Районæ хъæууон хæдзарады управленийы специалисттæ æнцад нæ бадынц. Азæй азмæ фылдæр кæнынц сæ культурæты номхыгъд. Æрæджы дæр ма кæд сæ быдырты фенæн уыд канд картоф æмæ нартхор, уæд ныр уавæр цæхгæр аивта.
Дарддæр та зæхкусджытæ сæ зæрдæ дардзысты боныхъæдыл, уымæй аразгæ у сæ фидæны бæркадджын тыллæг.