Архайдтой дзы Цыколайы рæвдауæндон «Сказка» -йы хъомылгæнджытæ
«Æдасдзинады къуыри æххæст кæнгæйæ» Æрæфы районы фæндæгтыл æдасæй цыуны паддзахадон автоинспекци, районы ахуырады управлениимæ сарæзтой профилактикон мадзал «Шагающий автобус». Архайдтой дзы Цыколайы рæвдауæндон «Сказка» -йы хъомылгæнджытæ. Мадзалы сæйраг нысан уыд фæндаггонд фыдбылызтæ фæкъаддæр кæнын. Уыимæ сабитæм фæхæццæ кæнын фæндаджы сæрты хизыны фæтк. Паддзахадон инспекцийы кусджытæ сывæллæттæн равдыстой, æрвылбон сæ рад цы патрулон машинæйыл фæхæссынц, уый. Хъазты хуызы сын сæ зæрдыл æрлæууын кодтой светофоры нысан æмæ йæ куыст, уыимæ сæ фарстой фæндаггон нысантæй. Уый фæстæ та ма семæ сарæзтой иума акци «Сывæллон – сæйраг бæлццон!». Æрæфы районы фæндæгтыл æдасæй цæуынц инспекцийы кусджытæ урæдтой машинæтæ, чызджытæ æмæ лæппутæ шофыртæн лæвæрдтой гæххæттытæ зæрдылдарæн æрмæгимæ.
