Ирыстойнаг спортсментимæ иумæ тренировкæтæ кæнынц Гуырдзыйы æмæ Бурятийы богæлттæ.
Уыцы-иу рæстæг æртæ иугонд командæйы уæгъдибар хъæбысхæстæй Дзæуджыхъæуы сæхи цæттæ кæнынц радон ерыстæм. Ирыстойнаг спортсментимæ иумæ тренировкæтæ кæнынц Гуырдзыйы æмæ Бурятийы богæлттæ. Се хæсн – дунейы æмæ Европæйы чемпионтæ, стæй олимпаг призертæ. Райсом ма сæм бафтдзæн 2016-æм азы Олимпиадæйы уæлахиздзау Владимир Хинчегашвили. Гуырдзыйы спортсментæ цæттæ кæнынц сæ бæстæйы æвзарæн чемпионатмæ æмæ 2020-æм азы Хъæзтытæм. Ирыстоны æмæ Бурятийы богæлттæ та сæ фæлтæрддзинадыл æфтауынц æртыккаг æппæтадæмон турнир «Алантæм» цæттæ кæнгæйæ. Уыдзæн Дзæуджыхъæуы 7 æмæ 8 декабры. У Европæйы ерыстæм æвзарæн къæпхæн. Цæгат Ирыстоны иугонд командæйы хыгъды турниры архайдзысты Сидахъаты Зауырбег, Цæболты Хетæг æмæ Байаты Давид. Алы регионты æмæ бæстæты командæты иумæйаг тренировкæтæ рагæй фæцæуынц. Уымæн æмæ ирыстойнаг хъæбысæй хæцыны скъола дунейы нымад у æппæтæй хуыздæрыл.
