50 спортсмены онг Уæрæсейæ, Сомихæй, Гуырдзыйæ æмæ Монголийæ сæхи цæттæ кæнынц квалификацион чемпионаттæм æмæ Олимпаг хъæзтытæм
Ахсджиаг ерыстæм цæттæ кæнгæйæ. 50 спортсмены онг Уæрæсейæ, Сомихæй, Гуырдзыйæ æмæ Монголийæ сæхи цæттæ кæнынц квалификацион чемпионаттæм æмæ Олимпаг хъæзтытæм. Сæ иумæйаг тренировкæтæ цæуынц нæ республикæйы. Хæдарцаты Асланы номыл академийы сæ фæлтæрддзинадыл æфтауынц сылгоймæгты командæйы уæнгтæ дæр.
Уæгъдибар хъæбысхæсты стъалы сылгоймæгты хсæн Наталья Воробьева тренировкæтæ кæны Хæдарцаты Асланы номыл академийы. 2012-æм азы олимпиадæйы фæстæ раздæхт стыр спортмæ. 2 къуырийы размæ Наталья сызгъæрин майдан рамбылдта Европæйы чемпионаты Римы, 72 килограммы категорийы. Æмæ æвæстиатæй ссыди Дзæуджыхъæумæ, сылгоймæгты иугонд командæимæ.
Академийы спортсментæ æфтауынц сæ фæлтæрддзинадыл, æмæ сæ хъарутæ фæлварынц алыхуызон фæлтæрæнты. Уымæй дарддæр ацæуынц реабилитаци. 45 спортсменæй фылдæр сæхи цæттæ кæнынц радон ерыстæм. Се хсæн спортсментæ Гуырдзыйæ, Сомихæй, цалдæр богалы та ссыдысты Монголийæ. Алы категориты 12 спортсмены цæттæ кæнынц Азийы чемпионатмæ.
Сæйрагдæр ерыстæ – Европæйы æмæ Азийы чемпионаттæ арæзт æрцæудзысты мартъийы кæрон Бишкекы æмæ Будапешты. Уым сæ арæхстдзинад равдисдзысты ирыстойнаг хъæбысæйхæцджытæ дæр.
