Хатдзæгтæ скодтой ивгъуыд азы куыстæн, æмæ æрдзырдтой ног ахуыры азы нысантыл. Педагогтæн раарфæ кæнынмæ æрбацыд республикæйы сæргълæууæг Битарты Вячеслав.
Ахуырады кусджытæ абон æрæмбырд сты августы традицион педагогон советмæ.
Хатдзæгтæ скодтой ивгъуыд азы куыстæн, æмæ æрдзырдтой ног ахуыры азы нысантыл. Педагогтæн раарфæ кæнынмæ æрбацыд республикæйы сæргълæууæг Битарты Вячеслав. Радзырдта, ахуырады рæзтæн æмæ ахуыргæнджытæн ахъаз чи фæуыдзæн, уыцы программæты тыххæй. Зæгъæм, ацы азæй фæстæмæ Æппæтуæрæсеон конкурс «Афæдзы хуыздæр ахуыргæнæджы» республикон къæпхæны уæлахиздзауæн лæвæрд цæудзæн сертификат фатер райсынæн. Дыккаг бынатæн та дæтдзысты æхцайы преми 500 мин сомы. Æртыккаг бынат чи бацахса, уымæн та дæтдзысты – 300 мин сомы. Уымæй дарддæр республикæйы кусдзысты скъолайы агъоммæйы ахуыргæнæндæтты уæлæмхасæн бынæттæ аразыныл.
