«Цас хорздзинæдтæ балæвар кодтат». Афтæ хуыйны уацты, ахуыргæнджыты новеллæты æмæ æмдзæвгæты æмбырдгонд.
Ахуыргæнæгæй ахуыргæнджытæн. Ахуырадыкусджыты профессионалон кусджыты кадæн ацы аз йе ртыккаг чиныг рауагъта зындгонд ахуыргæнæг æмæ публицист Биазырты Валентинæ.
«Цас хорздзинæдтæ балæвар кодтат». Афтæ хуыйны уацты, ахуыргæнджыты новеллæты æмæ æмдзæвгæты æмбырдгонд. Дызæрдыггаг нæу, ахуыргæнджыты банмæ æхсызгон лæвар кæй уыдзæн, уый. УФ-йы сгуыхт ахуыргæнæг, Советон Цæдисы Паддзахадон премийы лауреат, Уæрæсейы журналистты Цæдисы уæнг… Биазырты Тимофейы чызг Валентинæ бирæ азты йæ зонындзинæдтæ рæдауæй лæвар кæны æрмæст йæ ахуырдзаутæн нæ, фæлæ йæ райгуырæн бæстæйы истори, йæ зындгонд æмзæххонты, культурæ æмæ аивады кусджыты тыххæй бæстонæй базонын кæй фæнды, уыдонæн дæр. Автор сисы бынæй рацыди 19 чиныджы. Æмæ иууылдæр систы рæзгæ фæлтæры раст хъомылады æмæ Ирыстоны культурæ райрæзын кæнынæн ахадгæ æрмæджытæ. Биазырты Валентинæ йæ фæлтæрддзинадæй æмæ журналистикæмæ цы вæрæн бахаста, уымæй ис нæ дуджы хуыздæр рухстауджыты æмрæнхъ. Ахæм хъуыдыйыл хæст сты Уæрæсейы журналистты Цæдисы регионалон хайады.
