филиал вгтрк государственная телерадиовещательная компания “Алания”

18:48 четверг, 28 марта 2024
20 января 2020, 12:33
Алагираг Зæнджиаты Роберт патент райста, абарæн кæмæн нæй, ахæм спортивон машинæйæн

Арæзт æрцыд æнæ сæрмагонд цæттæдзинадæй, фæлæ заводы арæзт машинæтæй, зæгъæн ис, æмæ ницæмæй хицæн кæны

Инженерон бæлвырддзинад хæдахуыр конструкторы къухты. Алагираг Зæнджиаты Роберт патент райста, абарæн кæмæн нæй, ахæм спортивон машинæйæн. Арæзт æрцыд æнæ сæрмагонд цæттæдзинадæй, фæлæ заводы арæзт машинæтæй, зæгъæн ис, æмæ ницæмæй хицæн кæны. Нырыккон машинæйы тыххæй бæлвырддæр радзурдзæн Фидараты Маринæ.

Ацы машинæйыл йæ цæст чи нæ рæвæрдзæн, ахæм адæймаг нæ разындзæн. Æрвхуыз нырыккон хæдтулгæ Зæнджиаты Роберт сæмбырд кодта йæхи къухтæй, æмæ йын æвæстиатæй райста патент. Машинæ æмбырд кодта 8 азы. Авторы бартæ бахъахъхъæныныл ацыди афæдз æмæ рдæг. Фæстаг процедурæ æнцон не схондзынæ, зæгъы конструктор.

Техникон шедевр арæх фæхонынц легендарон машинæ Лотус Севны халдих. Фæлæ йæ саразæг куыд зæгъы, афтæмæй тагъдцæуæг машинæтæ иу кæны æрмæстдæр уый, æмæ сæ уæз у рог, стæй сын ис хуымæтæг конструкци.

Йæ нырыккон машинæ Зæнджиаты Роберт скодта скульптурон пластилинæй æмæ йыл ныккодта авгимæ хæццæ хомаг. Лыстæг хæйттæ конд сты æфсæйнагæй. Цæлхытæ райста рог машинæ «Нива»-йæ, машинæ чи кусын кæны, уыцы хай та ист у æндæр моделæй. Автомобилон экспертты дисы бафтыдта инженерон бæлвырддзинад. Робертæн уыцы миниуæг лæвæрд у æрдзæй. Никуы никæмæй иста уроктæ æмæ ахуыртæ, уыимæ сæрмагонд литературæ дæр нæ касти. Фæлæ йæ архайдмæ гæсгæ, йæ куыст заводы арæзт машинæтæй нæ хицæн кæны. Сæйрагдæр у – дизайн. Стыр æргом аздæхта лыстæг хъуыддæгтæм. Зæгъæм, ахæм кæсæнтæ иу машинæйы дæр нæй. Уæдæ хицæн кæны эксклюзивон рухсгæнæнтæй дæр. Ууыл ирыстойнаг Кулибин æрлæууынмæ нæ хъавы. Хæстæгдæр рæстæг фæнд кæны, абарæн кæмæн нæй, ахæм спортивон  æмæ зын рæтты цæуæг машинæтæ саразын.

Авд сывæллоны фыд куыд зæгъы, афтæмæй тæккæ райдианæй куыст райдайын зын нæу, уыйхыгъд ыл цин фæкæны. Уыцы циныл бафтауы, йæ фарсмæ чи ис, уыдоны се ппæты дæр.

vgtrk_alania
vgtrk_alania
vgtrk_alania
vgtrk_alania