филиал вгтрк государственная телерадиовещательная компания “Алания”

19:58 четверг, 28 марта 2024
11 ноября 2019, 18:11
Алагиры центрон рынчындоны дохтыртæн сæ бон сси къухы нуæрттæн операци скæнын æмæ æнгуылдзтæ сызмæлын кæнын

Ахæм операцитæ ныронг кодтой æрмæсттдæр раззагдæр медицинон кусæнуæтты

Алагиры центрон рынчындоны дохтыртæн сæ бон сси къухы нуæрттæн операци скæнын æмæ æнгуылдзтæ сызмæлын кæнын. Ахæм операцитæ ныронг кодтой æрмæсттдæр раззагдæр медицинон кусæнуæтты. Фæлæ Алагиры дохтырты бон сси хъуыддагæй зæгъын, Ирыстоны дæр дæсны специалисттæ кæй кусы. Бæлвырддæр се нтыстдзинады тыххæй радзурдзæн Гуытъиаты Алинæ.

Ацы цаумæ Гатеты Барис æнхъæлмæ кастис дыууын æртæ азы. Авд аздзыдæй ахаудта бæхæй æмæ йæ къух фæсахъат. Уæдæй фæстæмæ йæ къухы нгуылдзтæ нал æмбæрста. Ныртæккæ йæ уырзты ног тых бацыдис. Сындæггай йæ сæ бон змæлын кæнын у. Афтæ ахъаз ын фæцис, цалдæр боны размæ йын цы операци скодтой, уый.

Лæппу йæхимæ нæ ныхъхъуыста. Цардис хуымæтæг цардæй. Суанг ма уæгъдибар хъæбысхæстæй дæр архайдта. Æцæг сгуыхтдзинад та дохтыртæ равдыстой. Æмбал кæмæн нæй ахæм операци скодтой хуымæтæг районы рынчындоны. Лæвар.

Æрмæст операцийæ хъуыддаг нæ ахицæн уыдзæнис — зæгъынц дохтыртæ. Дарддæр та хъæудзæн реабилитаци. Цæмæй къух куыд æмбæлы, афтæмæй æркуса, уый тыххæй дохтырты амынддзинæдтæ хъæуы бæлвырд æххæст кæнын. Дохтыртæ фæдзæхсынц — уыцы хъуыддагмæ куыдфæндыйы цæстæй кæсæн нæй. Нырма уал ахæм операцитæ нæ республикæйы кæнынц мæй дыууæ-æртæ хатты. Кæд ахæм операцитæ зын аразæн сты, уæддæр дохтыртæ сæ фидæнмæ кæсынц разæнгардæй.

vgtrk_alania
vgtrk_alania
vgtrk_alania
vgtrk_alania