16 июня 2020, 17:09
Аланийыл Дзуæрттæ бафтауыны 1100 азмæ сæрмагонд комитеты хъæппæрисæй цæттæ кæнынц документалон киноныв
Кусы йыл медиа-къорд «Ярче»
Аланийыл Дзуæрттæ бафтауыны 1100 азмæ сæрмагонд комитеты хъæппæрисæй цæттæ кæнынц документалон киноныв. Кусы йыл медиа-къорд «Ярче». Ныртæккæ куыстытæ сты сæ тæмæны. Равдисдзысты дзы астæуккаг æнусты алайнаг аргъуантæ.
Документалон ныв ист цæуы нæ бæстæйы æмæ дунейы алы рæтты. Куыстытæ фæуыдзысты сæрды кæронмæ. Уæ зæрдыл уын æрлууын кæндзыстæм, Аланийыл Дзуæрттæ бафтауыны 1100 азы бон сбæрæг кæныны фарста систа нæ республикæйы сæргълæууæг Уæрæсейы Президентимæ фембæлды рæстæг. Уый фæстæ Владимир Путин бафыста уынаффæ, цæмæй ахсджиаг цау сбæрæг кæнæм федералон æмвæзадыл.
темæмæ гæсгæ
