Объектты хсæн ирон аргъуаны къулы фарсхæцæнтæ, Зруджы дзуары бынат, Нары Къостайы хæдзар- музей, стæй Фæрæскъæтты астæуккаг æнусты арæзт Иляйы аргъуан, стæй Дыгуры районы Къумбылты хъæуы кувæндон
Аланийыл саргъуыды 1100 азы бонмæ нæ республикæйы цæуынц алыхуызон цæттæгæнæн мадзæлттæ. Бæрæгбон офицалон æгъдауæй сбæрæг кæндзыстæм 2022-æм азы. Уæдмæ та уал чырыстон динимæ баст культурон бынты объекттæ кæнынц цалцæг. Цалдæры тыххæй радзурдзæн Моргуаты Ладæ.
Аланийыл саргъуыды 1100 азы бæрæгбонмæ цæуынц цалцæггæнæн куыстытæ. Объектты хсæн ирон аргъуаны къулы фарсхæцæнтæ, Зруджы дзуары бынат, Нары Къостайы хæдзар- музей, стæй Фæрæскъæтты астæуккаг æнусты арæзт Иляйы аргъуан, стæй Дыгуры районы Къумбылты хъæуы кувæндон.
Петр Павлов куыд радзырдта, афтæмæй куыстытæ бабар кодтой хуыздæр специалисттæн.
Дыгургомы Къумбылты хъæуы цур «Багайты дзуар»ы рагон фидармæ стыр æргом здæхт цæуы. Цалцæггæнæн куыстытæ дзы æрæджы райдытой, зæгъы компанийы минæвар Байсогъуырты Мухтар. Специалистты хъуыдымæ гæсгæ кувддоны къултæн хæлд сты сæ дыууæ æртыккæгæм хайы.
Байсогъуырты Мухтар дзуры куыстæ райдаины размæ бар кæй райстой бынæттон хистæртæй.
Куыстытæ цæуынц, цы фæтк сфидар кодтой, уымæ гæсгæ æмæ хъуамæ фæуой 2022-æм азы. Аланийы саргъуыды 1100 азмæ.
