Бакуыста йыл беларусаг режисер Богдан Петканин
Уырыссаг драматург Александр Островскийы пьесæйæ ацы бонты байгом Евгений Вахтанговы номыл уырыссаг академион театры 150-æм сезон. Бакуыста йыл беларусаг режисер Богдан Петканин. Спекталы хъайтартæ дзы ис 5 архайды. Уыцы рæстæг хъуамæ бацархайой уарзондзинады æнкъарæнты фæзилæнтæ раиртасын, æмæ дзы царды цавæрдæр дæнцæгтæ рахæссын.
Рог, фæлæ уыцы иу рæстæг мидисджын, хъæлдзæг æмæ адæймаджы зæрдæмæ арф чи хизы, ахæм уацмыс. Ацы фæлладуадзæн бонты Уырыссаг театры байгом кодтой сæ юбилейон сезон. Александр Островскийы «Лес» пандемийæйы фæстæ у фыццаг спектакль. Бакуыста йыл белорусаг режиссер Богдан Петканин. Сæйраг фæлгонцтæ дзы сарæзтой Наталья Серегина, Анастасия Романова æмæ Киситы Роберт.
Театрæн у йæ 150-йæм сезон. Разамынд куыд зæгъы, афтæмæй сын тынг ахсджиаг уыди юбилейон нымæц сценæйы сбæрæг кæнын. Труппæ зæрдиагæй æнхъæлмæ касти театрдзаутимæ фембæлдмæ. Пандемийæйы рæстæг театр кæй зæгъын æй хъæуы, нæ куыста. Фæлæ актертæ уæддæр репитицитæ кодтой.
Дæргъвæтин рæстæг кæй нæ куыстой, уым хорздзинæдтæ дæр ис. Театр зынгæ фæрайдзастддæр. Скодтой дзы цалцæггæнæн куыстытæ. Баивтой бандæттæ, бахуыдтой ног костюмтæ.
Æмæ æрмæст уый нæ. Юбилейон сезоны театрдзаутæм æнхъæлмæ кæсы цымыдисаг репертуар. Уымæй уæлдай, фæнд кæнынц пандемийæйы аххосæй цы спектакльтæ ивдз æрцыдысты, уыдон равдисын дæр.
Театралон сезон райдыдта. Хæстæгдæр рæстæг театрдзаутæм æнхъæлмæ кæсыц цалдæр ног спектаклы. Труппæйы уæнгтæ зæрдæ вæрынц, юбилейон сезон уыдзæни цымыдисаг æмæ ахадгæ.
