филиал вгтрк государственная телерадиовещательная компания “Алания”

Англисаг æвзаджы изæр арæзт æрцыд Дзæуджыхъæуы 5-æм гимназы. Ахæм мадзал сси традицион. Алы ног азы каникулты агъоммæ ахуырдзаутæ бацæттæ кæнынц цымыдисаг номыртæ æмæ инсценировкæтæ англисаг æвзагыл. Уый сын баххуыс кæны цалдæр хæсы сæххæст кæнынæн. Фыццаджыдæр – æвзаг хуыздæр базонынæн, стæй ма бæрæгбон ирддæрæй банкъарынæн дæр. Ацы хатт æрбахуыдтой бирæ уазджыты. Æхсызгонæй сæм бакасти Великобританийæ ахуыргæнæг Марк Джули. У æппæтадæмон скъолайы æрдзон наукæты ахуыргæнæг. Ныртæккæ ис Цæгат Ирыстоны, æмæ сфæнд кодта нæ республикæйы рагондæр ахуыргæнæндæттæй иу бабæрæг кæнын.