Турниры хатдзæгтæм гæсгæ нæ республикæйы минæвæрттæ рамбылдтой 7 фыццаг æмæ 3 дыккаг бынаты
Армавиры кæронмæ æрхæццæ сты къахдзоныгътыл аив бырынæй ерыстæ «Армавирский пируэт». Ерысты архайдтой 200 фигуристы Армавирæй, Сочийæ, Дзæуджыхъæуæй, Стъараролæй, Невинномысскæй æмæ Буденновскæй. Сæ арæхстдзинад ихыл равдыстой бынтон æрыгон фигуристтæ æмæ профессионалон спортсментæ. Турниры хатдзæгтæм гæсгæ нæ республикæйы минæвæрттæ рамбылдтой 7 фыццаг æмæ 3 дыккаг бынаты. Афтæ сызгъæрин призертæ систы Элина Шувалова, Торчынты Аринæ, Козаты София, Елбайты София, Полина Филонова, Магаты Мария æмæ Хъантемыраты Лорианнæ. Æвзист майдантæ рамбылдтой Хъарданты Каролинæ, Хозиты Элинæ æмæ Тменаты Камиллæ. Æвзонг спортсменты ерыстæм бацæттæ кодтой тренертæ Ани Варданян, Армен Асоян æмæ Сара Антонян.
