Равдыст саразджытæ архайынц сæрмагонд проект «Сабырдзинады æмæ æмбарынады территори»-йы.
Арт-марафон «Нарты хæзнатæ» дарддæр цæуы Уæрæсейы Хуссар хайы. Равдыст саразджытæ архайынц сæрмагонд проект «Сабырдзинады æмæ æмбарынады территори»-йы. Уый æххæст кæнгæйæ ссардтой ног ахадгæ мадзал, нæ бæстæйы æмæ дунейы курдиатджын фæсивæдимæ кусынæн. 2008-æм азæй фæстæмæ проекты архайынц Мæздæджы районы æвзонг нывгæнджытæ дæр. Ацы хат равдыстмæ сæ куыстытæ бахастой Мæздæджы аивадон скъолайы 50 хъомылгæнинаджы, стæй Луковскæйы æмæ Троицкæйы станицæты минæвæрттæ. Мæздæггæгты нывтæ фенæн ис иннæ равдысты дæр «Дети — за мир в Сирии». Æвзонг нывгæнджыты алывæрсыг хъомылады æмæ Нарты эпос парахат кæнæны тыххæй Мæздæджы аивадон скъолайы директор Наталья Лапковайæн лæвæрд æрцыд арфæйы гæххæтт.
