Нырæй фæстæмæ гæххæттытæ скъоламæ бадæттæн ис 1-æм апрелæй фæстæмæ
Ацы аз аивта сывæллæтты фыццæгæм къласмæ исыны фæтк. Нырæй фæстæмæ гæххæттытæ скъоламæ бадæттæн ис 1-æм апрелæй фæстæмæ. Сæрмагонд акт хъуамæ мыхуыргонд æрцæуа 15-æм мартъийы онг. Акт бафыссыны фæстæ 10 боны дæргъы скъолатæ хъуамæ сæхи сайтты ныммыхуыр кæной хъусынгæнинаг, фыццæгæм кълæсты цал бынаты уыдзæн, уый тыххæй. Ахсджиаг у уый, æмæ 1-æм апрелæй курдиæттæ исдзысты, скъоламæ хæстæг территорийы цы бинонтæ цæрынц, уыдонæй. Уыцы сывæллæттæн ис фылдæр бартæ. Фæлæ кæд ныййарджыты сæ сывæллоны æндæр скъоламæ раттын бафæнда, уæд курдиат ныффыссын хъæудзæн 6-æм июлæй фæстæмæ. Курдиæттæ исдзысты, цалынмæ уæгъд бынæттæ уой, уæдмæ, фæлæ æрмæст 5-æм сентябры онг. Уымæй дарддæр ма сывæллæтты исдзысты льготтæм гæсгæ. Скъола курдиат нал райсдзæн, уæгъд бынæттæ дзы куы нал уой, уæд.
