Уый тыххæй нæ республикæйы сæргълæууæг Битарты Вячеславæн фехъусын кодта паддзахадон статистикæйы Федералон службæйы цæгаткавказаг управленийы разамонæг Олег Быкадоров
Ацы аз Цæгат Ирыстоны промышленнон куыстуæтты рауагъдад фæфылдæр 130%. Уый тыххæй нæ республикæйы сæргълæууæг Битарты Вячеславæн фехъусын кодта паддзахадон статистикæйы Федералон службæйы цæгаткавказаг управленийы разамонæг Олег Быкадоров. Бæрæггæныл фæзынд дзидзайы æмæ маргъы, алыхуызон нозт æмæ æндæр продукцийы рауагъдад. Йæ вæрæн æм бахаста, февралы эксплуатацимæ лæвæрд кæй æрцыд Зæрæмæджы гидроэлектростанцæ, уый. Фембæлды рæстæг ма ныхас цыд арæзтадон къабазыл дæр. Афтæ, фаронимæ абаргæйæ, хи цæрæнуæтты арæзтад фæфылдæр 53%. Уæлдай стыр æргом та аздæхтой адæмы æрфыстмæ цæттæгæнæн мадзæлттæм. Уæ зæрдыл уын лæууын кæнæм, пандемийæйы аххосæй процедурæ ацы азы октябрæй хаст æрцыд иннæ аз апрелы онг.
