Пъæлицæйы кæстæр лейтенант фæмард знон, Черменыхъæуы контролон-уадзæн пункты срæмыгъды рæстæг. Йæхи цард нæ бавгъаугæнгæйæ, æрыгон хъæбатыр не рбауагъта террористы Цæгат Ирыстонмæ.
Пъæлицæйы кæстæр лейтенант фæмард знон, Черменыхъæуы контролон-уадзæн пункты срæмыгъды рæстæг. Йæхи цард нæ бавгъаугæнгæйæ,
æрыгон хъæбатыр не рбауагъта террористы Цæгат Ирыстонмæ. Чи йæ зоны,
цал æмæ цал царды аирвæзын кодта, уый. Джыбылаты Заурæн абон фæстаг
фæндараст зæгъынмæ æрбацыдысты йæ бирæ ‘мбæлттæ, йе мкусджытæ,
республикæйы разамынд.
Кадджын караул, дидинджытæ æмæ къам…
Ахæмæй ма федтой, абон Джыбылаты Зауырæн фæстаг фæндараст зæгъынмæ чи,
рбацыд, уыцы адæм. Ирыстоны цæрджыты сабырдзинад хъахъхъæнæг æмæ сæ стыр
фыдбылызæй чи фервæзын кодта, уыцы хъæбатыры номыл абон зæрдæмæхъаргæ
ныхæстæ. Æрбацæуджытæй йæ цæссыг ничи урæдта æмæ сæ æфсæрмы дæр ничи
кодта. Йæхæдæг адæмуарзон чи уыд, исты хæрзты сын бацæуын йæ хæсыл чи
нымадта, уыцы цæхæрдзаст лæппуйыл абон риссы се ппæты зæрдæ дæр.
Уыцы æвирхъау бон æй кæцæй зыдта
26-азыдзыд лæппу, цы машинæ сгардзæн, уый йын зианхæссæг разындзæн, уый.
Контролон-уадзæн пункты срæмыгъд куыд æрцыд, уый, æвæццæгæн, йæхæдæг
дæр нæ бамбæрста…
Адæмуарзон. Лæггадгæнæг. Уæздан кæстæр…
Зауыры тыххæй бирæ хорз ныхæстæ зæгъæн ис. Скъолайы, электроникæйы
колледжы, милицæйы уæлдæр скъолайы куы ахуыр кодта, уæддæр, чи зоны,
иннæтæй дзæвгар нæ хицæн кодта, фæлæ йæ кæддæриддæр фæндыд а-зæххыл
рæсугъд фæд ныууадзын. Адæмæн исты хорздзинад ракæнын, йæ бон сын æххуыс
кæнын куыд уа. Сæйрагдæр та рæстдзинадыл тох кæнын. Мидхъуыддæгты
министрадмæ дæр кусынмæ уымæн бацыд.
Æрыгон лæппу уæвгæйæ, бæллицтæ æмæ
рæсугъд фæндтæ кæмæ нæ вæййы. Джыбылаты Зауырмæ дæр…. Фæндыд йæ афицер
суæвын. Ацы сабаты та хъуамæ барвыстаид минæвæрттæ…
Фæстаг цалдæр бонмæ Джыбылаты Зауыры ном
базыдтой Ирыстоны цæрджытæ иууылдæр. Стыр фыдбылызæй сæ чи фæрвæзын
кодта, йæ цард нæ бавгъау кæнгæйæ, фыдгæнæджы Дзæуджыхъæумæ чи не
рбауагъта, уыцы лæппу абон адæмы хсæн хæссы хъæбатыры ном. Уыцы
хъуыдыйыл хæст у республикæйы сæргълæууæг Мамсыраты Таймураз дæр.
Ахæм ныхас баззад æмæ, дам, адæймаг
цæрдзæн, цалынмæ йын йæ ном хъуыды кæнынц, уæдмæ. Зауырæн фæстаг
фæндараст зæгъынмæ чи рбацыд, сæ цæссыгæй сæхи цы адæм æхсадтой, чи йæ
зыдта æмæ йын аргъ чи кодта, уыцы адæмæй рох нæ уыдзæн.
Уымæн æмæ нæй ферох кæнæн, дæ зæрдæйы
арф бынат чи ссардта, уыцы адæймаджы. Зауыр та уыд ахæм… Йæ цард
ратгæйæ, Ирыстоны цæрджыты сабырдзинад чи бахъахъхъæдта, уыцы хуымæтæг,
фæлæ хъæбатыр лæппу Джыбылаты Зауыр…
Зыхъуаты Жаннæ
