11 ноября 2019, 12:14
Беслæны ипподромы ацыдис бæхтыл дугъ
Бæхты дугъы иумæйаг фонд уыди 1 милуан æмæ 300 мин сомы.
Беслæны ипподромы ацыдис бæхтыл дугъ. Мадзал сарæзтой Адæмы иудзинады боны кадæн. Фæлæ боныхъæд кæй фехæлд, уый тыххæй бæрæгбон 4-æм ноябрæй ахастой 9-мæ. Бæхты дугъы уазджыты æмæ архайджытæн арфæйы ныхæстæ загъта республикæйы сæрълæууæг Битарты Вячеслав. Ерысты архайдта 79 бæхы. Æхсæз къæпхæны дæргъы тох кодтой цалдæр призыл. Уыдон сты нæ республикæйы культурæйы æмæ ахуырады кусджыты, Адæмы иудзинады боны, Цæгат Кавказ немыцаг фашисттæй суæгъд кæныны кадæн, стæй Сыгъдæг Георгийы приз рамбулыныл. Бæхты дугъы иумæйаг фонд уыди 1 милуан æмæ 300 мин сомы.
