филиал вгтрк государственная телерадиовещательная компания “Алания”

09:07 пятница, 29 марта 2024
03 декабря 2019, 12:30
Беслæны рæвдауæндоны хъомылгæнинæгтыл хæцгæ низ бафтыд хæринагæй

Уæ зæрдыл уын æрлæууын кæндзыстæм, 27-æм ноябры 14 сывæллоны æххуысагур бацыдысты рынчындонмæ инфекцион низы миниуджытимæ

Уæрæсейы фæлхасадмæ цæстдарды цæгатирыстойнаг Управленийы специалистты хъуыдымæ гæсгæ, Беслæны рæвдауæндоны хъомылгæнинæгтыл хæцгæ низ бафтыд хæринагæй. Уæ зæрдыл уын æрлæууын кæндзыстæм, 27-æм ноябры 14 сывæллоны æххуысагур бацыдысты рынчындонмæ инфекцион низы миниуджытимæ. Лабораторон иртæстыты фæрцы сбæрæг кодтой норовирус. Ныртæккæ бæстон кæсынц скъолайы агъоммæйы ахуыргæнæндоны архайдмæ, уый фæстæ снысан кæндзысты административон мадзæлттæ. Рахизфарсы районы иннæ рæвдауæндæтты уавæры тыххæй радзурдзæн Касаты Наирæ.

Беслæны сывæллæтты 10-æм рæвдауæндоны бæрæггæнæн мадзæлттæ. Къамисы уæнгтæ кæсынц алцæмæ дæр, скълады продукттæй райдай æмæ, сабитæ аходæны стъолмæ цы цæттæ хæринаг цæуы, уымæй фæуы. Продукттæ цы уавæрты дарынц, уый у сæйрагдæр.

Рæвдауæндоны кусджытæ зæгъынц, æхсыры продукттæ æмæ дзул ласынц алы бон дæр. Нæлхæ, дзидза æмæ кърупатæ æрбаласынц къуыри цалдæр хатты, куыд фæхъæуынц, уымæ гæсгæ.

Сывæллæтты рæвдауæндæтты хойраджы фарстамæ цæстдард цæуы Хуымæллæджы дæр. Ам дæр уавæр бынтон хорз нæ разынди.

Республикæйы Сæргълæууæг Хуымæллæджы рæвдауæндоны хæринаджы хъуыддаг сбæлвырд кæнын бадомдта, æрæджы йын хъæуы цæрджытимæ цы фембæлд уыди, уым. Уæд æм курдиат бахастой ахуыргæнæндоны кусджытæ.

Ацы фарстайы фæдыл специалисттæ кусынц æнæрлæугæйæ. Æмæ хæстæгдæр рæстæг хыгъд æрцæудзысты бæрæггæнæнтæ. Нырма та уал, хæринаг сæм чи ласта, уыдонæй иуæн агурынц, кæмæй йæ баивой, ахæм адæймаг.

vgtrk_alania
vgtrk_alania
vgtrk_alania
vgtrk_alania