Медицинон объект национ проект «Æнæниздзинадхъахъхъæнынмæ» хаст кæй æрцыди, уый фæрцы æнхъæлмæ кæсынц цæхгæр ивддзинæдтæм
Бирæ азты фæстæ цалцæггæнæн куыстытæ райдайдзысты Беслæны поликлиникæйы. Бæстыхаймæ зылд нæ уыди советон рæстджытæй фæстæмæ. Медицинон объект национ проект «Æнæниздзинадхъахъхъæнынмæ» хаст кæй æрцыди, уый фæрцы æнхъæлмæ кæсынц цæхгæр ивддзинæдтæм. Нырмæ дæр сæ къухы бафтыди ног аппаратурæ балхæнын, хицæн кабинеттæм базилын. Бæлвырддæр радзурдзæн Касаты Наирæ.
Беслæны поликлиникæйы къæсæрæй бахизгæйæ, куыд фæзæгъынц, зæрдæ бамæгуыр вæййы. Къæридортæм Советон рæстæджытæй фæсæмæ зылд нал уыди. Кæлæддзаг къултæ, æрдæг пырх сантехникæ. Рентгенмæ рады лæууы Беслæны цæрæг Хъайтыхъты Иринæ. Куыд зæгъы, афтæмæй йæ медицинон куыстуатмæ бацæуын куы фæхъæуы, уæд фæархайы, цæмæй дзы ма бафæстиат уа, ууыл.
Беслæны поликлиникæйы бæстыхай арæзт æрцыди 80-æм азты. Уæдæй нырмæ дзы иу хатт дæр бындурон цалцæггæнæн куыстытæ нæ уыди. Фæлæ рынчынты хъуыды у иумæйаг – амы дохтыртæй сты разы. Иууылдæр кусынц зæрдиагæй, æмæ адæмыл аудынц.
Фæлæ уæддæр фадæттæ æмæ уавæртыл хъæуы кусын. Бæстыхай фæнд кæнынц хайгай сцалцæг кæнын. Фыццаг ивддзинæдтæ æрцыдысты сывæллæтты хайады. Бацархайдтой кабинеттæм базилын дæр.
Сæ къухы ма бафтыди ног УЗИ æмæ рентгены аппарат балхæнын дæр. Бындуронæй рацарæзтой стоматологон кабинет дæр. Дарддæр – фылдæр, зæрдæ вæрынц поликлиникæйы. Сæйраг дохтыры хæдивæджы ныхæстæм гæсгæ, медицинон куыстуаты хаст æрцыди национ проет «Æнæздзинадхъахъхъæнынадмæ». Уый фæрцы, ацы аз ам, æнхъæлмæ кæсынц цæхгæр ивддзинæдтæм.
Поликлиникæйы зæгъынц, подрядон организацийы специалисттæ ныридæгæн æркастысты бæстыхаймæ. Тагъд рæстæджы райдайдзысты архайын.
