филиал вгтрк государственная телерадиовещательная компания “Алания”

01:53 воскресенье, 29 ноября 2020
27 октября 2020, 13:37
21
Битарты Вячеслав аныхас кодта стратегион хъæппæристы Агентады форуммæ йæ хъуыдытæ чи бацæттæ кодта, уыцы адæмимæ

Цæгат Ирыстоны сæргълæууæг Битарты Вячеслав видеоконференцийы хуызы аныхас кодта, стратегион хъæппæристы Агентады форуммæ йæ хъуыдытæ чи бацæттæ кодта, уыцы адæмимæ. Регионалон къæпхæны архайджытæ республикæйы разамонæгæн радзырдтой сæ ииновацион проектты тыххæй. Сæ хъуыдымæ гæсгæ, уыдон хъуамæ хорзырдæм ахадой нæ регионы социалон-экономикон рæзтыл. Битарты Вячеслав се ппæты зæрдыл æрлæууын кодта, 2013-æм азæй фæстæмæ Цæгат Ирыстоны æнгом æмгуыстад кæй кæны стратегион хъæппæристы Агентадимæ. Се ргом здахынц инвестицион климат фæхуыздæр кæнынмæ, фæсивæдон æмæ социалон амалхъомдзинады рæзтмæ, профессионалон ахуырады системæ банывыл кæнынмæ стæй технологон хъæппæристæ царды уадзынмæ. 2020-æм азы  нæ республикæ, фаронимæ абаргæйæ, схызти 8 къæпхæны уæлдæр, æмæ бацахста 46-æм бынат 85 регионы хсæн. Кæд æмæ 2016-æм азы та уыдыстæм 79-æм бынаты. Экономикон рæзты министр Томайты Хъазыбег куыд радзырдта, афтæмæй 11-12-æм ноябры Сочийы цæудзæн форум «Сильные идеи для нового времени». Уыцы мадзалмæ цæттæ кæнгæйæ, августы æмæ сентябры министрад æмбырд кодта хъæппæрисджын адæмы, æмæ сын байхъуыста сæ хъуыдытæм. Афтæмæй нæ республикæйæ равзæрстой 17 проекты. Баст сты ахуырадимæ, хъæууон хæдзарадимæ, нымæцон технологитимæ æмæ социалон къабазимæ. Фембæлдæн хатдзæгтæ кæнгæйæ, Битарты Вячеслав проектты автортæн загъта бузныджы ныхæстæ, ахæм цымыдисаг æмæ актуалон хъæппæристæ кæй бацæттæ кодтой, уый тыххæй. Бæрнон ведомствоты разамонджытæн та бабар кодта, проекттæ царды рауадзынæн баххуыс кæнын.

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: