филиал вгтрк государственная телерадиовещательная компания “Алания”

18:05 пятница, 29 марта 2024
05 декабря 2019, 12:56
Битарты Вячеслав архайдта бизнес-форум «Инвестируй Кавказ»-ы

Форумы фæзы æрæмбырд сты 600 инвесторы, се хсæн – паддзахадон структурæты æмæ регионты рæзты институтты, чысыл æмæ астæуккаг бизнесы,

Цæгат Ирыстоны Сæргълæууæг Битарты Вячеслав архайдта бизнес-форум «Инвестируй Кавказ»-ы, уыди Минводы. Форумы фæзы æрæмбырд сты 600 инвесторы, се хсæн – паддзахадон структурæты æмæ регионты рæзты институтты, чысыл æмæ астæуккаг бизнесы, экспертон æхсæнадты, дзыллон информацион фæрæзты æмæ социалон амалхъомдзинады минæвæрттæ. Фембæлды кадджын уазджытæ уыдысты УФ-йы Хицауады сæрдары хæдивæг Виталий Мутко, Цæгат Кавказы хъуыддæгты фæдыл министр Сергей Чеботарев, Уæрæсейы Президенты æххæстбарджын минæвар Цæгат Кавказы федералон зылды Александр Матовников æмæ субъектты Сæргълæуджытæ. Форумы фæлгæты байгом кодтой бирæвæрсыг равдыстыты центр «МинводыЭКСПО». Уый фæстæ пленарон æмбырды бæрнон кусджытæ æрныхас кодтой цардархайды ахсджиаг фарстатыл. Виталий Мутко йæ раныхасы куыд загъта, афтæмæй Цæгат Кавказ бæстæйæн у паддзахадон стратегион регион, æмæ инвестицитæ æппæты фыццаг здæхт цæуынц царды хæрзхъæддзинад хуыздæр кæнынмæ æмæ экономикæйы рæзтмæ.  Ацы хъуыддаджы пайдагонд цæуы регионы географион бынатæй, æрдзон æвæрæнтæй, стæй хорз демографион уавæрæй. Вице-премьеры ныхæстæм гæсгæ, Цæгат Кавказы субъектты рæзтæн 2024-æм азмæ паддзахад фæнд кæны 200 млрд сомы радих кæнын. Æмбырды куыд фæнысан кодтой, афтæмæй паддзахады æххуыс йæхиуыл фылдæр банкъардзысты чысыл бизнесы æмæ туристты æргом здахыны къабæзтæ. Битарты Вячеслав æмбырды куыд загъта, афтæмæй Цæгат Ирыстоны хицауад хъуамæ дысвæлдæхтæй архайа, цæмæй бизнесы рæзтæн хорз уавæртæ уа хæххон районты дæр. Йæ ныхæстæм гæсгæ, ныртæккæ райдайгæ бизнесментæн федералон æмвæзадыл цæуы хорз æххуыс. Республикæйы Сæргълæууæг Виталий Муткойæн загъта бузныг, «Мамысон»-ы курорты проект царды рауадзынæн кæй æххуыс кæнынц, уый тыххæй.

vgtrk_alania
vgtrk_alania
vgtrk_alania
vgtrk_alania