Фембæлд арæзт æрцыди журналисттæн сæхи хъæппæрисæй
Битарты Вячеслав фембæлд, Сочийы нырыккон журналистикæйы форум «Вся Россия»-йы Цæгат Ирыстоны кад чи хъахъхъæдта, уыцы журналисттимæ. Фембæлд арæзт æрцыди журналисттæн сæхи хъæппæрисæй. Алчидæр сæ радзырдта йе нкъарæнты тыххæй, фестивалæй сластой бирæ хæрзиуджытæ. Форумы уыди куыд сæрмагонд, афтæ иумæйаг уæлахизтæ. Нæ делегцийы хыгъды уыдысты районты газетты минæвæрттæ, стæй паддзахадон ведомствæты пресс-секретарьтæ. Нæ республикæйы минæвæрттæ алы хатт дæр ацæуынц стыр делегацийæ. Ацы аз уыдысты 20 адæймаджы. Сочимæ балцæн гæнæн фæци Цæгат Ирыстоны Сæргълæууæг Битарты Вячеславы финансон æххуысæй.
Фембæлды журналисттæ фехъусын кодтой сæ хъæппæристы тыххæй дæр. Ныхас цыди профессионалон кадртæ цæттæ кæныны фæз саразыныл. Стæй, дзыллон информацион фæрæзты форум Цæгат Ирыстоны аразыныл. Фæндон бахастой, журналисттæн конкурс саразыны тыххæй дæр, бæрæг дзы кæндзысты, æрыгон журналисттæй ветеранты онг хуыздæрты. Битарты Вячеславы зæрдæмæ ацы фæндон фæцыди, æмæ мыхуыры æмæ дзыллон коммуникациты комитетæн, стæй журналистты цæдисæн бахæс кодта, иумæйаг проект бацæттæ кæнын, æмæ йæ райрæзты агентадмæ бадæттын.
