филиал вгтрк государственная телерадиовещательная компания “Алания”

12:36 пятница, 29 марта 2024
15 января 2020, 17:40
Битарты Вячеслав фембæлд Цæгат Ирыстоны дзыллон информацийы фæрæзты разамонджытимæ

Афтæмæй хатдзæгтæ скодтой 2019-æм азы куыстæн, æмæ снысан кодтой дарддæры хæстæ

Битарты Вячеслав ма фембæлд Цæгат Ирыстоны дзыллон информацийы фæрæзты разамонджытимæ. Афтæмæй хатдзæгтæ скодтой 2019-æм азы куыстæн, æмæ снысан кодтой дарддæры хæстæ. Сокаты Фатимæ радзурдзæн фембæлды тыххæй.

Цæгат Ирыстоны дзыллон информацион фæрæзты разамонджытæ Битарты Вячеславмæ лæвæрдтой алыхуызон фæрстытæ. Райдай инвестицион политикæйæ, æмæ куысты бынæттæ дæттынæй фæуы. Республикæйы сæргълæууæг йæхæдæг радзырдта ивгъуыд азы куысты хатдзæгты тыххæй. Ныхас цыд æнæниздзинадхъхахъхъæнынадыл, бæлвырддæр та тагъд æххуысы станцæйы куыстыл. Оптимизацийæн ис хорз хатдзæгтæ скæнæн.

Ныхас цыд республикæйы инвестицион климæт фæхуыздæр кæныныл. Битарты Вячеслав хорзыл банымадта ацы куысты ахсджиагдзинад. Цæгат Ирыстоны стыр æргом здахынц не мзæххонты архайдмæ. Уыимæ раппæлинаг сты хъæууон хæдзарады æмæ туризмы къабæзтæ. Уæдæ æнтыстдзинæдтæ ис промышленносты дæр.

Битарты Вячеслав хорзыл банымадта Цæгат æмæ Хуссар Ирыстоны журналистты цæдисы хъæппæрис, дыууæ республикæйы иумæйаг профессионалон бæрæгбон саразыны тыххæй. Уый тыххæй фехъусын кодта паддзахадон телераиокомпани «Алани»-йы директор Хъуысаты Тимур. Республикæйы сæргълæууæг куыд бафиппайдта, афтæмæй уый у Уæрæсейы журналистты цæдисы регионалон хайады дыккаг хъæппæрис. Фыццаг баст уыд – республикæйы сгуыхт журналисты ном снысан кæнынимæ.

Традицион фембæлды ныхас цыд Дзæуджыхъæуы историон хайы рацарæзтыл. Битарты Вячеслав загъта, сæйраг уынг хъуамæ кæй сцалцæг кæной Уæлахизы бонмæ. Стыр æргом аздæхтой центрон парк саив кæнынмæ дæр. Æрдзырдтой ма Цæгат Ирыстоны историйы тыххæй ахуыргæнæн чингуытæ сног кæныныл дæр. Рæзгæ фæлтæр хъуамæ зоной алы азты политикон архайджыты тыххæй. Журналистты ма базонын фæндыд бюджетон кусджыты мызды тыххæй. Республикæйы разамонæг зæрдыл æрлæууын кодта ахуырады кусджыты мызд фæфылдæр кæныны тыххæй. Уый бантыст бынæттон бюджеты фæрæзты фæрцы. Ахæм куыст цæудзæн иннæ къабæзты дæр. Фарстатæ уыдысты бирæ. Се ппæтæн дæр Битарты Вячеслав радта бæстон дзуæппытæ.

vgtrk_alania
vgtrk_alania
vgtrk_alania
vgtrk_alania