Уый кусæг балцы уыд нæ республикæйы.
Цæгат Ирыстоны Сæргълæууæг Битарты Вячеславæн кусæг фембæлд уыд Уæрæсейы хъæууон хæдзарады мелиорацийы Департаменты директор Дмитрий Сорокинимæ. Уый кусæг балцы уыд нæ республикæйы. Бæрнон кусджытæ æрныхас кодтой мелиорацийы ахадгæ системæ сног кæныныл. Ам хынцын хъæуы республикæйы æрдзон уавæрты æмæ климаты хицæндзинæдтæ. Фембæлды куыд загътой, афтæмæй хъæууон хæдзарады нырыккон уавæры анализ æвдисы уый, æмæ хъæуы мелиоративон фонд сног кæнынæн сæрмагонд мадзæлтты комплекс саразын. Ныры онг Цæгат Ирыстоны донхорыггæнæн зæххыты фæзуат у 77 мин гектармæ хæстæг. Уыдонæй бапырх кæнынц 7 мин гектары онг. Нæ республикæйы, æмтгæй райсгæйæ, хъæууон хæдзарады бæрæггæнæнтæ сты хорз. Ис нæм æппæт уавæртæ халсартæ æмæ мæнæу æрзайын кæнынæн. Суанг советон рæстæджы куы уыди, афтæ. Мелиорацийы системæ куы сног кæной, уæд Цæгат Ирыстон фæхуыздæр кæндзæн йæ бæрæггæнæнтæ. Ууыл зæрдæ дарæн ис, загъта Битарты Вячеслав. Дмитрий Сорокин та загъта, иумæйаг хъарутæй фылдæр æнтыстдзинæдтæ кæй бафтдзæн къухы, уый.
