филиал вгтрк государственная телерадиовещательная компания “Алания”

Чызджыты-хохы фахсыл арæзт æрцыдысты ерыстæ скайраннингæй. Ерысты архайдта 15 адæймаджы. Бæрзæндмæ згъорынæй ерыстæ арæзт æрцыдысты дыккаг хатт. Архайдтой дзы куыд нæлгоймæгтæ, афтæ сылгоймæгтæ дæр. Спортсментæ хъуамæ спортивон æгъдауæй уыдаиккой хорз цæттæ, се нæниздзинад æнæзæрдæхсаинаг. Трасссæйы дæргъ уыд 3 километры. Чи цас рæстæгмæ бахæццæ вæййы трассæйы кæронмæ, уый хынцæгйæ сбæрæг вæййы уæлахиздзау. Фæндаг кæм нæй, ахæм фахсыл ссæуынæн æмæ фæстæмæ æрцæуынæн альпинисттæн ис æртæ сахаты. Республикæйы альпинизмæн ногæй цард радтыныл кусы хæххон спортивон клуб «Крокус», фæсивæды политикæйы комитеты, физкультурæ æмæ спорты, стæй клуб «Каскад» æмæ дукани «Триал»-ы фарсхæцтæй.