филиал вгтрк государственная телерадиовещательная компания “Алания”

Дæллаг Бирæгъзæнджы кæронмæ фæхæццæ кæны ног амбулаторийы арæзтад. Куыстытæм бавнæлдтой ацы аз майы. Кæронмæ фæуын та сæ хъавынц сентябрьмæ. Медицинон куыстуат лæггад кæндзæн 4 хъæуæн: Дæллаг æмæ Уæллаг Бирæгъзæнгæн, Ход æмæ Рæмонтыхъæуæн. Æдæппæтæй 2 200 адæймагæй фылдæрæн. Амбулатори кусджытæй дæр у æххæст: ис дзы дохтыр-терапевт æмæ участоктыл кусæг медицинон хо. Ифтонг уыдзæн æппæт нырыккон домæнтæ хынцгæйæ. Цалынмæ ног амбулатори официалон æгъдауæй нæ байгом уа, уæдмæ уал кусдзæн зæронд бæстыхай.