филиал вгтрк государственная телерадиовещательная компания “Алания”

Дунейы чемпион хæстон самбойæ Хъодзаты Аслæнбег спортивон клуб «Динамо»-йы сывæллæттæн скодта дæсныйадæвдисæг ахуыртæ. Чемпион лæппутæн æмæ чызджытæн радзырдта йæ фæлтæрддзинады тыххæй, стæй спорты ацы хуыз цæмæ гæсгæ равзæрста, уый дæр. Зындгонд спортсменæн ракодтой арфæтæ, бузныджы ныхæстæ стæй ма йын радтой кады гæххæт, нæ республикæйы æмæ Уæрæсейы спортивон цардмæ стыр æмæ ахадгæ æвæрæн кæй бахаста, уый тыххæй. Уæрæсейы Федерацийы Гæрзифтонг тыхты лейтенант Хъодзаты Аслæнбег сси дунейы чемпионаты уæлахиздзау хæстон самбойæ. Арæзт уыд Хуссар Къарейы. Ацы аз ма ирыстойнаг спортсмен сси дунейы Кубокы уæлахиздзау дæр.