филиал вгтрк государственная телерадиовещательная компания “Алания”

01:26 четверг, 29 октября 2020
01 октября 2020, 14:26
70
Дыгуры районы хадзарæдтæ дарддæр зилынц сæ быдыртæм

Дыгуры районы хадзарæдтæ дарддæр зилынц сæ быдыртæм. Районы хъæууонхæдзарадон управленийы куыд зæгъынц, афтæмæй ацы аз зæххыты фылдæр хайы тыд æрцыд нартхор, æмæ сæ зæрдæ дарынц хъæздыг тыллæг сисыныл. Уымæй уæлдай ма фылдæр кæны районы хæдзарæдты нымæц дæр. Дыгуры районы зæхкусджыты архайд федта не сфæлдыстадон къорд.

Фермерон хæдзарад «Хæллаты», кæд Дыгуры районы стырдæртæй нæу, уæддæр йæ куыст кæны зæрдиагæй, зæхх нæ сайгæйæ. Йæ куысты бæрæггæнæнтæ азæй-азмæ хуыздæр кæнынц, йæ авналæнтæ та уæрæхдæр æмæ бирæвæрсыгдæр. «Хорз тыллæг æрзайын кæнын къухы иу бонмæ нæ бафты, фæлæ хъæуы алы бон зæххыл кусын æмæ йæ уарзын. Кусын кæй фæнда уый  æфсонтæ нæ фæагуры» — зæгъы хæдзарады æрыгон фермер Калоты Фидар.

Фидæны фæндтæ къухы бафтдзысты æрмæстдæр иумæйаг фæллойы фæрцы, зæгъынц зæхкусджытæ. Дыгуры районы хъæууон хæдзарады кусджытæ сты иу бинонты хузæн, кæрæдзийы фарсмæ æрбалæугæйæ иумæйагæй фæкæнынц сæ куст. Районы хъæууон хæдзарады хайады агроном Золойты Роберты  ныхæстæм гæсгæ, ныртæккæ сæ уавæртæ сты  зæрдæмæдзæугæ.

Хæллаты Олег зæххы куыст, кæд бирæ рæстæг нæ кæны, уæддæр дзы уырны дарддæр сæ къухы фылдæр æнтыстдзинæдтæ кæй æфтдзæн,уый, æнæмæнг йæ фарсмæ куыст уарзæг адæм куæ уа, уæд.

Дыгуры районы быдырты ацы фæззæг æнхъæлмæ кæсынц бæркадджын тыллæгмæ.  Хæдзарад «Хæллаты» та, ма кæд æрыгон у, уæддæр æвдисы куыстмæ разæнгарддзинад, уый та у æнæзивæг адæймаджы миниуæг.

Ошибка в тексте? Выделите её и нажмите «Ctrl + Enter»

темæмæ гæсгæ

Сообщить об опечатке

Текст, который будет отправлен нашим редакторам: