Дзæуджыхъæуы 13-æм скъолайы ацыди традицион акци «Чемпионимæ зарядкæ». Сарæзта йæ Дзæуджыхъæуы фæсивæдон политикæйы, физкультурæ æмæ спорты комитет. Акци æххæстгæнгæйæ скъоладзаутимæ фемæлд дунейы чемпион уæгъдибар хъæбысхæстæй Хуыбылты Хъазыбег æмæ Уæрæсейы чемпионтæ Хъарданты Магомед, стæй Саулохты Нодар . 45 минутмæ сывæллæттæн фадат уыди физкультурæйы фæзилæнтæ базонынæн. Фæсивæд сæххæст кодтой чемпионты хæслæвæрдтæ.
Уый фæстæ адих сты командæтыл, æмæ тох кодтой спортивон эстафетæты. Спортсментæ куыд загътой, афтæмæй ацы фембæлдæй райстой стыр удæнцойдзинад æмæ цæттæ сты амæй фæстæмæ дæр архайын ахæм мадзæлтты. Скъоладзаутæн балæвар кодтой зæрдылдарæн лæвæрттæ æмæ спортивон кусæнгæрзтæ. Акци «Чемпионимæ зарядкæ» арæзт фæцæуы скъолаты æмæ рæвдауæндæтты. Практикæ куыд амоны, афтæмæй рæзгæ фæлтæры разæнгард кæнынц спорты бæрзæндтæм схизынмæ.
