Æрныхас дзы кодтой Владимир Путины æрвылазон ныстуаныл
Дзæуджыхъæуы администрацийы уыд Æхсæнадон советы æмбырд. Æрныхас дзы кодтой Владимир Путины æрвылазон ныстуаныл. Æмбырды архайджытæн сæ хъуыды уыди уый, ныстуаны рæстæг стыр æргом здæхт æрцыди мидполитикæйы фарстатæм. Цы ивддзинæдтæ хаст æрцыди, уыдон, æмтгæй райсгæйæ, хъуамæ хорзырдæм фæзыной Уæрæсейы адæмы цардыл. Сæйрагдæр ивддзинæдтæ æрцæудзæн ахуырады къабазы. Президенты амынддзинæдтæй иу у скъолатæ лæвар тæвд хæринагæй ифтонг кæнын. Ацы хъуыддаг хорзыл банымадтой Советы уæнгтæ. Уыимæ алчидæр æмбары, æппæт фæндтæ æмæ уынаффæтæ сæххæст кæнын къухы бафтдзæн æрмæстдæр иумæйаг куысты фæрцы.
Боны фæткмæ ма рахастой Уæлахизы 75 азы сбæрæг кæнынмæ цæттæгæнæн мадзæлттæ дæр. Ацы аз бæстæйы нысангонд æрцыди мысæн æмæ нымысы азыл. Куыд фæбæрæг кодтой, афтæмæй бæстæйы горæтты хсæн Дзæуджыхъæуæн «Æфсæддон намысы» ном радтой фыццæгтимæ. Фæлæ цæмæдæр гæсгæ нырма дæр горæтмæ æрбацæуæны нæй æмбæлгæ нысан æвæрд. Советы Сæрдар Михаил Шаталов фарстатæ иууылдæр банымадта растыл, æмæ бахæс кодта бæлвырд адæмæн сæ сæххæст кæныны тыххæй.
