Уыдон нæ республикæйы кад хъахъхъæдтой Болгарийы дунеон ерысты уæгъдибар хъæбысхæстæй æрыгæтты хсæн.
Дзæуджыхъæуы аэропорты абон «æгасцуай» загътой ирыстойнаг спротсментæн.
Уыдон нæ республикæйы кад хъахъхъæдтой Болгарийы дунеон ерысты уæгъдибар хъæбысхæстæй æрыгæтты хсæн. Уæрæсейы иугонд командæ дзы бацахста фыццаг бынат. 18 азы онг кæуыл цæуы, ахæм ирыстойнаг богæлттæ систы 4 уæлдæр хæрзиуæджы аккаг: дыууæ сызгъæрин æмæ 2 æвзист майданы. Уæззау уæзы 110 килограммы онг уæлахиздзау сси Зассеты Арсæмæг, 71 килограммы категорийы та Тыджыты Сослан 13-11 хыгъдæй фæуæлахиз италиаг спорстмен Френческо Мазоттийыл. Дунеон ерысты æвзист призертæ систы Багаты Арслан æмæ Цхуырбаты Батырбег. Æппæт фембæлдтытæ уыдысты зын, фæлæ цымыдисаг. Спортсментæ архайдтой сæхиуыл нæ ауæрдгæйæ. Æмæ ууыл æрлæууынмæ нæ хъавынц.
