Ног кусæнгæрзтæ æлхæд æрцыдысты федералон программæ «Культурæ» æххæст кæнгæйæ
Дзæуджыхъæуы аивæдты колледж райста ног музыкалон инструменттæ. Ног кусæнгæрзтæ æлхæд æрцыдысты федералон программæ «Культурæ» æххæст кæнгæйæ. Колледжы ахуырдзаутæн нырæй фæстæмæ фадат уыдзæн ног баянтыл, фортепианойыл æмæ æндæр музыкалон инструменттыл ахуыр кæнынæн. Æрбаластой сæ Германийæ æмæ Чехийæ. Уымæй дарддæр колледжмæ баластой ног компьютертæ, музыкалон литературæ æмæ хъæддзаума. Аивадты колледж сси фыццаг ахуыргæнæндон, ног кусæнгæрзтæ чи райста, ахæм. Афæдзы фæстæ культурæйы министрад нысан кæны Глинкæйы номыл Мæздæджы музыкалон скъола æппæт хъæугæ кусæнгæрзтæй сифтонг кæнын. Программæ сæххæст кæнынæн æдæппæтæй нæ республикæйæн радих кодтой 15 милуан сомы.