Сфæлдыстадон ерыс ацыди Самарæйы. Фæндырдзæгъдджыты къорд Плиты Ацæмæз, Тауытты Виталий æмæ Икъаты Давид æрлæууыдысты хуыздæрты æмрæнхъ
Гергиты Валерийы номыл Дзæуджыхъæуы аивæдты колледжы адæмон инструментты хайады студенттæ систы æххæстгæнæг аивады 18-æм æппæтадæмон фестиваль-конкурс «Виват, баян»-ы 2-æм къæпхæны лауреаттæ.Сфæлдыстадон ерыс ацыди Самарæйы. Фæндырдзæгъдджыты къорд Плиты Ацæмæз, Тауытты Виталий æмæ Икъаты Давид æрлæууыдысты хуыздæрты æмрæнхъ. Цæгатирыстойнаг конкурсанттæ ацагътой Георгий Свиридовы, Евгений Дербенкойы æмæ Æлборты Феликсы уацмыстæ. Кусгæ та сыл бакодта Дзуццаты Сослан. Жюри сын радта сæрмагонд приз – 70-æм æппæтадæмон конкурс «Трофей мира»-йы архайынмæ сертификат. Ацæудзæн ноябры Португалийы. Ныртæккæ йæм студенттæ сæхи цæттæ кæнынц разæнгардæй.
Фæндырдзæгъдджыты къорды разамонæг у Хъоцлаты Сослан. Конкурсы йын саккаг кодтой кады гæххæт, конкурсантты аккаг æмвæзадыл кæй бацæттæ кодта, уый тыххæй.
