Æрныхас дзы кодтой хъæууон хæдзарады рæзты паддзахадон программæ куыд æххæстгонд цæуы, уый рагагъоммæйы хатдзæгтыл
Дзæуджыхъæуы ацыд аграрон – базарадон политикæйы æмæ æрдзæй пайда кæныны Федерацийы Советы Комитеты цæугæ æмбырд. Æрныхас дзы кодтой хъæууон хæдзарады рæзты паддзахадон программæ куыд æххæстгонд цæуы, уый рагагъоммæйы хатдзæгтыл. Делегацийæн республикæйы уыди ахадгæ программæ. Цы объекттæ бабæрæг кодтой уазджытæ æмæ Цæгат Ирыстоны агропромышленнон къабазæн цы аргъ скодтой, уый тыххæй Касаты Наирæйы æрмæг.
Къабуска, цæхæра, хъæдындз, маркъоф æмæ кæй зæгъын æй хъæуы, картоф. Бон райдыдта Дзæуджыхъæуы рауагъдады экскурсийæ. Федерацийы Советы уæнгтæ бæстонæй æркастысты «Фат-Агро». Уазджытæ бабæрæг кодтой картофы мыггаджы куыстгæнæн лаборатори. Ам скæнынц мыггаг, æмæ йæ уый фæстæ байтауынц хæххон территориты.
Сенатортæ куыд зæгъынц, афтæмæй ных саразын хъæуы бынæттон мыггæгтæм. Уымæн ахъаз у, уæрæсеаг селекцитæн фæсарæйнæгтимæ абаргæйæ, у зынгæ ныллæгдæр. Экспертты хъуыдымæ гæсгæ, цæгатирыстойнаг компанийы ис æппæт гæнæнтæ, цæмæй бæстæйы базарад продукцийæ æфсада.
Цæугæ æмбырды архайдтой УФ-йы аграрон-базарадон политикæйы æмæ æрдзæй пайда кæныны Советы комитеты уæнг, стып Уæрæсейы алы регионтæй. Фембæлды æрныхас кодтой хъæууон хæдзарады рæзты паддзахадон программæйы рагагъоммæйы хатдзæгтыл. Скодтой фидæнмæ нысантæ. Битарты Вячеслав бузныг загъта уазджытæн, республикæ кæй бабæрæг кодтой, уый тыххæй, æмæ хорзыл банымадта, Цæгат Ирыстоны æмæ федералон центры æмгуыстад ацы къабазыл хорзырдæм кæй фæзынди, уый.
Цæугæ æмбырды архайджытæ ма бабæрæг кодтой куыстуат «Казачий хутор»дæр. Уым æххæстгонд цæуы дыргъдæттæтты инвестицион проект, æмæ сын фæрæстмæ. Фæткъуы бæлæстæ сагъд сты 700 гектарыл. ис дзы 10 хуызы фæткъуытæ. Бакуыстой ихæй хъахъхъæнæн системæйыл дæр. Уымæ гæсгæ æрдзон фыдбылызтæ ацы аз тынг нæ бахъыгдæрдтой бæлæсты.
