Ирвæзынгæнджытæ ацыдысты цалдæр къæпхæны, равдисын сæ хъуыди сæ архæстдзинад артимæ тохы æмæ адæмæн æххуысы.
Дзæуджыхъæуы ацыдысты æнæнхъæлæджы цауты министрады зæнгсирвæзты ныхмæ къордты ерыстæ. Ирвæзынгæнджытæ ацыдысты цалдæр къæпхæны, равдисын сæ хъуыди сæ архæстдзинад артимæ тохы æмæ адæмæн æххуысы. Ерыстæ федта не сфæлдыстадон къорд дæр. Джыбызты Зæринæ радзурдзæн сæ хæслæвæрдты тыххæй.
Куыдзиаты Давид у сынгхуыссынгæджыты æмæ ирвæзынгæнджыты 16-æм командæйы уæнг. Фарон республикон ерысты тох кодтой газ æмæ фæздæгæй хуыздæр хъахъхъæнджыты ном райсыныл.
Ерыстæ дихгонд сты къæпхæнтыл. Сæ иу кусæнгæрзтæ сифтындзын æмæ зынгсирвæст ахуыссын кæнын. Ам хъæуы рæвдз архайын. Ерысты архайы 17 командæйы. Сты алы районтæй.
Мæнг зынгсирвæзт куы ахуыссын кодтой, уæд ирвæзынгæнджытæ ахызтысты æндæр хæслæвæрдтæ æххæст кæнынмæ. Сæрмагонд бæстыхай байдзаг кодтой фæздæгæй. Командæ хъуамæ ссара голлаг, уый у æрымысгæ адæймаг. Алчидæр сæ хъуамæ зона сæрмагонд улæфæн апаратæй улæфын. Цы уæлдæф дзы ис, уый хъахъхъæны рæуджытæ æмæ цæстытæ.
Æрымысгæ цауы цы адæймаг бахауд, уый хъæуы сæрмагонд домæнтæм гæсгæ дыууæ æлхынцъæй бабæттын. Тæрхонгæджытæ ам иунæг рæдыд дæр нæ хатыр кæнынц. Ахæм æлхынцъ бастæй адæмы æруадзынц уæллаг уæладзгуытæй.
Ацы ерыстæ сты хицæн æмæ æмархайды фæлтæрддзинад кæнынц фидардæр. Тыхджындæртæ та хорзæхгонд уыдзысты кубоктæй æмæ кады гæххæтытæй.М
