филиал вгтрк государственная телерадиовещательная компания “Алания”

17:29 пятница, 29 марта 2024
10 июля 2019, 12:59
Дзæуджыхъæуы бындур сæвæрдтой ног футболон клуб «Алани»-йæн

Амæй фæстæмæ уыдзæн хи къухты. Йæ саразæг æмæ хицау та у Гуыриаты Даниил

Дзæуджыхъæуы бындур сæвæрдтой ног футболон клуб «Алани»-йæн. Амæй фæстæмæ уыдзæн хи къухты. Йæ саразæг æмæ хицау та у Гуыриаты Даниил. Пресс-конференцийы куыд фехъусын кодтой, афтæмæй нæ республикæйы сæйраг командæ хъуамæ фæстæмæ раздаха йæ кад, æмæ ногæй бахауа уæрæсейаг футболы элитæмæ. Даниилимæ иумæ журналистты фæрстытæн дзуæппытæ лæвæрдтой Цæгат Ирыстоны спорты министр Гæбулты Владимир, командæйы сæйраг тренер Гогниты Спартак æмæ клубы генералон директор Айларты Æмзор. Касата Наирæ бæлвырддæр.

Футболон клубы бындурæвæрæг æмæ хицау Гуыриаты Даниил у Новоангарскы металлургон комбинаты генералон директор Гуыриаты Владимиры фырт. Ног «Алани» арæзт у раздæры «Спартак – Дзæуджыхъæу»-ы футболистты æмæ тренерты командæ. Фæзынди сæм дуаргæсты ног разамонæг Дмитрий Тяпушкин. Клубæн йæ размæ вæрд хæстæ сты раздæрау. Ацы хъуыддаджы дзы ницы аивта.

Гуыриаты Даниил æрныхас кодта клубы бюджетыл. Куыд загъта, афтæмæй фаронæй уыдзæни ахадгæдæр, стæй дыккан дивизионы хъазынæн фагæй фылдæр. Пресс-конференцийы ма ныхас цыди футбалон клубы базæйы цалцæгыл дæр. Стыр æргом аздæхтой ног стадионы арæзтады фарстамæ. Æмбырды куыд фехъусын кодтой, афтæмæй ныртæккæ ацы хъуыддаджы фæдыл ныхас цæуы федералон центримæ. Ацы бонты футболисттæ æмæ клубы разамынд стадионы скæндзысты гом тренировкæ, æрбахондзхысты йæм сæ фарсхæцджыты дæр.

vgtrk_alania
vgtrk_alania
vgtrk_alania
vgtrk_alania